ހޯރަފުށި އިސް މެޖިސްޓްރޭޓްގެ ސްލޫކީ މައްސަލައެއް ބަލަނީ

ހއ.ހޯރަފުށީ އިސް މެޖިސްޓްރޭޓް މުހައްމަދު ޝަރީފް ތަނާޒުލް ވާން ޖެހޭ މައްސަލައަކުން ތަނާޒުލް ނުވެ، ބަލާ ނިންމި މައްސަލަ ޖޭއެސްސީން ތަހުގީގު ކުރަން ފަށައިފި އެެވެ.

މި މައްސަލަ ބަލަން ޖޭއެސްސީން ނިންމާފައިވަނީ މިމަހު 13 ދުވަހު އެވެ. ޖޭއެސްސީ ބުނެފައި ވަނީ އެ މައްސަލަ ތަހުގީގުކުރަން ނިންމީ އޭނާ ތަނާޒުލްވާން ޖެހޭ ފަދަ މައްސަލައަކުން ތަނާޒުލް ނުވެ އެ މައްސަލަ ހިންގައި، ނިންމުމުން ކަމަށެވެ.

އެ މައްސަލަ ބަލަން ތަހުގީގީ ކޮމިޓީއެއް މިހާރު ވަނީ އެކުލަވާލައިފަ އެވެ.

News Briefing_23 Jan 2020: HA. Hoarafushi Issmagistrate Uz. Mohamed Shareef ge sulookee massala eh belumah Thahuqeequ Committee ekulavaalun pic.twitter.com/dSP6Ei1Lgp

— JSC Maldives (@MaldivesJSC) January 23, 2021

މި މަހު ކުރީކޮޅު ވެސް ޖޭއެސްސީން ވަނީ ދެ ގާޒީއެއްގެ ސުލޫކީ މައްސަލަތަކެއް ތަހުގީގުކުރަން ފަށައިފަ އެވެ. އެއީ ސިވިލް ކޯޓުގެ ގާޒީ މަރިޔަމް ވަހީދާއި ކްރިމިނަލް ކޯޓުގެ ގާޒީ މުހައްމަދު ސަމީރުގެ މައްސަލަތަކެކެވެ.