ހޯރަފުށީގައި 30 އެނދުގެ އާ ހޮސްޕިޓަލެއް އަޅަން ހަވާލުކޮށްފި

ހއ ހޯރަފުށީގައި 30 އެނދުގެ އާ ހޮސްޕިޓަލެއް އަޅަން ބަޔަކާ ހަވާލުކޮށްފި އެވެ. ހެލްތް މިނިސްޓްރީގެ ފަރާތުން މި މަސައްކަތް ހަވާލުކޮށްފައިވަނީ ޕީޓީ ސިޓްރަމަސް ހެވީ އިންޑަސްޓްރީސްއިން ޖޮއިންޓް ވެންޗަރ ވިތު ފްލެކްސިން ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކާއެވެ.

ޒަމާނީ ވަސީލަތްތަކާއި ހިދުމަތްތަކާއެކު، ހޯރަފުށީގައި ތަރައްގީކުރުމަށް ހަމަޖެހިފައިވަނި 30 އެނދުގެ ހޮސްޕިޓަލަކީ އަތޮޅުތަކުގެ 34 ރަށެއްގެ ސިއްހީ މަރުކަޒާއި ހޮސްޕިޓަލްތަކަށް ބޭނުންވާ އުމްރާނީ ވަސީލަތްތައް ގާއިމުކުރުމުގެ މަޝްރޫއުގެ ދަށުން ކުރިއަށްގެންދާ މަޝްރޫއެކެވެ.

85.7 މިލިއަން ރުފިޔާއަށް، 1 އަހަރާއި 6 މަސް ދުވަހުގެ ތެރޭގައިި ނިންމާގޮތަށް އެކުންފުންޏާއި ހަވާލުކޮށްފަިއވަނީ ހޮސްޕިޓަލްގެ އިމާރާތް އެޅުމުގެ މަސައްކަތެވެ.