ސަވާދީއްތަ ދަތުރު ހޯރަފުށިން ފަށައިފި

ސަގާފީ ޓޫރިޒަމް ކުރިއެރުވުމުގެ ބޭނުމުގައި މޯލްޑިވްސް އިންޓަގްރޭޓަޑް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްއައިޓީޑީސީ) އިން ބާއްވާ ޔޮޓް ރެލީ "ސަވާދީއްތަ ދަތުރު" މިއަދު ހއ.ހޯރަފުށިން ފަށައިފިއެވެ.

ދަތުރު ފެށުމުގެ ގޮތުން މިއަދު ހޯރަފުށީގައި ވަނީ ހާއްސަ ހަފްލާއެއް ވަނީ ބާއްވާފައެވެ. އެ ހަފްލާގައި ދިވެހި ސަގާފީ ބައެއް ހުށަހެޅުންތައް ހުށަހަޅައިދީފައި ވެއެވެ. މިއީ ސެއިލިން ޓޫރިޒަމްގައި ހަރަކާތްތެރިވާ ފަރާތްތަކަށް ހާއްސަކޮށްގެން ކުރިއަށް ގެންދާ ދަތުރެކެވެ.

Tourism Minister Dr. Mausoom uplifts the event by emphasizing on promoting eco-tourism and sustainability in local islands.

“Savaadheehtha is just the beginning of a grand event” - @Mausoom_Maus pic.twitter.com/B23wy2XtLZ

— Savaadheeththa Dhathuru (@savaadheeththa) February 5, 2022

އެމްއައިޓީޑީސީން ބުނީ ދުނިޔޭގެ މަޝްހޫރު ބައެއް ޔޮޓުތައް ވެސް މި ރެލީގައި ބައިވެރިވެފައިވާ ކަމަށެވެ. އެގޮތުން 12 ޔޮޓެއް މި ދަތުރުގައި ބައިވެރިވާނެ އެވެ. ރާއްޖޭގެ ފަސް އަތޮޅެއްގެ މީހުން ދިރިއުޅޭ 11 ރަށަކަށް އަދި ހަތަރު ފަޅު ރަށަކަށް މި ރެލީގައި ޓޫރިސްޓުން ޒިޔާރަތްކޮށް އާސާރީ ތަންތަނުގެ މައުލޫމާތު ހޯދާނެ ކަމަށް އެމްއައިޓީޑީސީން މައުލޫމާތު ދެއެވެ. އެގޮތުން ހއ، ހދ، ށ، ނ އަދި ބ އަތޮޅުގެ ރަށްތަކަށް ދަތުރުކުރާނެ އެވެ.

ސަވާދީއްތަ ދަތުރު ކުރިއަށް ގެންދަނީ އެމްއައިޓީޑީސީއާއި ހެރިޓޭޖް މިނިސްޓްރީ އަދި އެމްއެންޑީއެފްގެ ސިވެކް ކުންފުންޏާއި ގުޅިގެންނެވެ.