ރާއްޖޭން މިހާތަނަށް 4269 މީހަކަށް ވެކްސިން ދީފައިވާކަމަށް ހެލްތް ޕްރޮޓެކްޝަން އޭޖެންސީން (އެޗްޕީއޭއިން) ބުނެފި އެވެ.
އެގޮތުން މާލެ ސަރަހައްދު އިއްޔެގެ ނިޔަލަށް ޖުމްލަ 3،573 މީހަކަށް ވެކްސިން ދީފައިވާއިރު އަތޮޅުތެރެއިން 696 މީހަކަށް ވެކްސިން ދީފައިވާކަމަށް އެޗްޕީއޭއިން ބުންޏެވެ.
އަދި އިއްޔެ އެކަނިވެސް ރާއްޖޭން 1003 މީހަކަށް ވެކްސިން ދީފައިވާ ކަމަށާއި އޭގެ ތެރޭގައި ހިމެނެނީ މާލެ ސަރަހައްދުން ވެކްސިން ދިން 787 މީހަކާއި، އަތޮޅު ތެރެއިން ވެކްސިން ދިން 216 މީހެއް ކަމަށް އެޗްޕީއޭއިން މައުލޫމާތު ދެއެވެ.
ރާއްޖޭގައި ކޮވިޑް-19ށް ވެކްސިން ދިނުމުގެ ޕްރޮގްރާމް ފަށާފައިވަނީ މިހިނގާ ފެބްރުއަރީ މަހުގެ 1 ވަނަ ދުވަހުއެވެ. މި ޕްރޮގްރާމް ރަސްމީކޮށް ފައްޓަވައިދެއްވީ ރާއްޖޭގެ ރައީސުލްޖުމްހޫރިއްޔާ އިބްރާޙިމް މުޙައްމަދު ސޯލިހެވެ.
އަނެއްކާވެސް ކޮވިޑް ފެތުރޭ މިންވަރު އިތުރުވެފައިވާއިރު އެކްޓިވް ކޭސްގެ އަދަދު މިވަނީ 2،014 އަރާފައެވެ. ހޮސްޕިޓަލުގައި 193 މީހަކަށް ފަރުވާދެމުން ގެންދާއިރު ހުކުރު ދުވަހު އިތުރު 137 މީހުން ވަނީ ޕޮޒިޓިވް ވެފައެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
