މިއަހަރު މިހާތަނަށް ރާއްޖެއަށް 121،000 ފަރުވެރިން، އެންމެ ގިނައިން އައިސްފައިވަނީ އިއްޔެ

ޓޫރިޒަމް މިނިސްޓްރީން އިއްޔެ އާންމުކުރި ތަފާސް ހިސާބުތައް ދައްކާގޮތުން މިއަހަރުގެ މިހާތަނަށް 121،000 އަށްވުރެ ގިނަ ފަތުރުވެރިން ރާއްޖެއަށް ޒިޔާރަތްކޮށްފައިވާއިރު އިއްޔެ އެކަނިވެސް ރެކޯޑް އަދަދަކަށް ފަރުވެރިން އައިސްފައި ވެއެވެ.

އެގިތުން އިއްޔެ 4،700 ފަތުރުވެރިން އައިސްފައިވާއިރު ޓޫރިޒަމް މިނިސްޓަރު އަބްދުﷲ މައުސޫމް އެކަން ހާމަކޮށް މިއަދު ކުރެއްވި ޓްވީޓެއްގައި ފަތުރުވެރިކަމުގައި ސިނާއަތުގެ ހުރިހާ ފަރާތްތަކަށް ވަނީ ޝުކުރުއާދާކޮށްފަ އެވެ.

ހުސްވީ ޖެނުއަރީ މަހު ރާއްޖެ ޒިޔާރަތްކޮށްފައިވަނީ، 92،103 ފަތުރުވެރިންނެވެ. މި ހިނގާ ފެބުރުއަރީ މަހުގެ ފުރަތަމަ 10 ދުވަހު ރާއްޖެ ޒިޔާރަތްކޮށްފައިވަނީ، 29،592 އެވެ.

ޓޫރިޒަމް މިނިސްޓްރީގެ އަމާޒަކީ، މިއަހަރު 1.5 މިލިއަން ފަތުރުވެރިން ރާއްޖެ ގެނައުމެވެ.