ކުޅުދުއްފުށީގައި އުޅޭ އުމުރުން 60 އަހަރުން މަތީގެ ފަރާތްތަކަށް ކޮވިޑް-19 ވެކްސިން ޖެހުމަށް މިއަދު ހުޅުވާލައިފި އެވެ.
ކޭއާރުއެޗުން މިއަދު ކުރި އިއުލާނެއްގައި ބުނެފައިވަނީ ކޮވިޑް-19 ވެކްސިން ޖެހުން ކުރިއަށްދާނީ މިއަދު ހަވީރު 15:00 – 17:00 އަށް އުފަންހިޔާ އިމާރާތުގައި ކަމަށެވެ.
ވެކްސިން ޖެހުމަށް ވަޑައިގަންނަވާއިރު އައިޑީކާޑާއި ދާއިމީ ބައްޔަށް ބޭސްކުރާ މީހެއް ނަމަ ލިޔުންތައް ގެންދިނުމަށް ހޮސްޕިޓަލުން އެދިފައިވެ އެވެ.
މިއަދު 60 އަހަރުން މަތީގެ ބޭފުޅުންނަށް ކޮވިޑް-19 އިން ރައްކާތެރިވުމަށް ދެވޭ ވެކްސިން ޖެހުން ކުރިޔަށް ދާނެ!
— Kulhudhuffushi Regional Hospital (@KRHmv) February 16, 2021
ރެޖިސްޓަރ ކުރެއްވުމަށް ތިރީގައިވާ ލިންކު ބޭނުން ކުރައްވާhttps://t.co/xRyZr7mQa1
އިތުރު މައުލޫމާތު ސާފު ކުރެއްވުމަށް އަޅުގަނޑުމެންގެ ކޮވިޑް ހޮޓްލައިން 7606688 އަަށް ގުޅުއްވާ pic.twitter.com/NHdsSaJAQs
ކުޅުދުއްފުށީގައި ކޮވިޑް ވެކްސިން ދޭން ފަށާފައިވަނީ މި ފެބްރުއަރީމަހު ފުރަތަމަ ދުވަހު އެވެ. ފުރަތަމަ ބުރުގައި ވެކްސިން ދިނީ 70 އަހަރުން މަތީގެ މީހުންނަށާއި ފްރޮންޓްލައިންގައި ހަރަކާތްތެރިވާ ބައެއް މުވައްޒަފުންނަށާއި ސިއްހީ ހިދުމަތްތެރިންނަށެވެ.
