ފުނަދޫ ހޮސްޕިޓަލުގައި އެކްސްޓެންޝަނެއް އިމާރާތްކޮށްދޭނެ ފަރާތެއް ހޯދަނީ

ށ ފުނަދޫގައި ހުންނަ އެ އަތޮޅުގެ، އަތޮޅު ހޮސްޕިޓަލުގައި އެކްޓެންޝަން އިމާރާތްކޮށްދޭނެ ފަރާތެއް ހޯދުމަށް ހެލްތް މިނިސްޓްރީން އިއުލާންކޮށްފި އެވެ.

އެ މިނިސްޓްރީން އިއްޔެ ގެޒެޓްކޮށްފައިވާ އިއުލާނުގައި ބުނެފައިވަނީ އެކަމަށް ޝައުގުވެރިކަން ހުންނަ ފަރާތްތަކުން މާޗު 7 ވަނަ ދުވަހުން ފެށިގެން މާޗު 16 ވާ އަންގާރަ ދުވަހުގެ މެންދުރު ފަހު 13:30 ގެ ކުރިން [email protected] ނުވަތަ [email protected] އިއުލާނާއެކު ގެޒެޓްކޮށްފައިވާ ރެޖިސްޓްރޭޝަން ޝީޓް ފުރުމަށްފަހު އިމެއިލް ކުރުމަށެވެ.

އަންދާސީ ހިސާބު ހުށައެޅުން 18 މާޗުވާ ބުރާސްފަތި ދުވަހުގެ ހެނދުނު 11:00 އޮންނާނެ ކަމަށާއި އަންދާސީ ހިސާބު ހުށައެޅޭނީ ހެލްތް މިނިސްޓްރީއަށާއި ށ އަތޮޅު ހޮސްޕިޓަލަށްކަމަށް އިއުލާނުގައި ބުނެފައި ވެއެވެ.

އިއުލާނާއި ބެހޭގޮތުން މައުލޫމާތެއް ސާފުކުރަން ބޭނުންވާ ފަރާތްތަކުން 16 މާޗުވާ އަންގާރަ ދުވަހުގެ މެންދުރުފަހު 14:00 ގެ ކުރިން [email protected] ނުވަތަ [email protected] އަށް މެއިލްކުރުމަށް އެ މިނިސްޓްރީން އެދެއެވެ.