ކޮވިޑް ވެކްސިންގެ ފުރަތަމަ ޑޯޒް މިދިއަ ފެބްރުއަރީ ހަތްވަނަ ދުވަހުގެ ކުރިން ޖެހި މީހުންނަށް މިހާރު ދެވަނަ ޑޯޒް ޖެހޭނެ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ. މިވަގުތު ކޮވިޑް ވެކްސިންގެ ދެވަނަ ޑޯޒް ޖަހަނީ ހަމައެކަނި މާލެ ސަރަހައްދުގަ އެވެ.
އެޗްޕީއޭއިން ބުނީ ފެބްރުއަރީ ހަތްވަނަ ދުވަހުގެ ކުރިން ވެކްސިންގެ ފުރަތަމަ ޑޯޒް ޖެހި މީހުންނަށް ވެކްސިންގެ ދެވަނަ ޑޯޒް މިހާރު ޖެހޭނެ ކަމަށާއި ދެވަނަ ޑޯޒް ދިނުން މާލެ ސަރަހައްދުގެ ފަސް ސެންޓަރެއްގައި ކުރިއަށް ގެންދާ ކަމަށެވެ.
ކޮވިޑް ވެކްސިންގެ ދެވަނަ ޑޯޒް ފަށާފައިވަނީ އިއްޔެ އެވެ. އެގޮތުން މިހާތަނަށް 1149 މީހަކު ވަނީ ދެވަނަ ޑޯޒް ފުރިހަމަކޮށްފަ އެވެ.
ރާއްޖޭގައި ފުރަތަމަ ޖެހީ ކޮވިޝީލްޑް ވެކްސިންނެވެ. ދެވަނަ ޑޯޒް ދެނީ ކޮވިޝީލްޑް ޖެހި މީހުންނަށެވެ. އޭގެ ފަހުން މިހާރު ޖަހަމުން ދަނީ ޗައިނާގެ ސިނަފޯމް ވެކްސިނެވެ. ސިނަފޯމްގެ ދެވަނަ ޑޯޒް ފުރަތަމަ ޑޯޒް ޖަހާތާ ހަތަރު ހަފުތާ ފަހުން ދޭނެ އެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
