ބޮޑު ޕެރޭޑަކާއެކު މިސްރުގެ މަމީސްތައް އާ މިއުޒިއަމަކަށް ބަދަލުކޮށްފި

ހާއްސަ ޕެރޭޑަކާއެކު މިސްރުގެ ގަދީމީ 22 ގަބުރު (މަމީ) ކައިރޯގައި ހުންނަ މިއުޒިއަމަށް ބަދަލުކޮށްފި އެވެ.

މިއީ އެގައުމުގެ ގަދީމީ ޝާހީ އާއިލާތަކުގެ ގަބުރުތަކެކެވެ. އޭގެތެރޭގައި ހިމެނެނީ 18 ރަސްކަލެއްގެ ގަބޫރާ 4 ރަނީއެއްގެ ގަބުރެވެ. ނައިޓްރޮޖެން އަޅާފައިވާ ހާއްސަ ކެޕްސޫލްތަކެއްގައި މި ގަބުރުތައް ކައިރޯއަށް ގެންގޮސްފައިވަނީ އެއްގަމު މަގުންނެވެ.

ޕެރޭޑު ކުރިއަށް ދިޔައިރު އެންމެ ބޮޑަށް ފާހަގަ ކުރެވުނީ އެ ގައުމަގައި 67 އަހަރު ރަސްކަން ކުރެއްވި ކިންގް ރެމްސެސް ދަ ސެންކަންޑްގެ ގަބުރެވެ. މީގެ އިތުރުން 11 ވަނަ ގަރުނާއި 16 ވަނަ ގަރުނާ ދޭތެރޭގައި މިސްރުގައި ރަސްކަން ކުރި މީހުންގެ ގަބުރުތައް ވަނީ ޕެރޭޑްގައި ފެނިގެން ގޮސްފައެވެ.

މި ގަބުރުތައް ބަދަލުކޮށްފައި މިވަނީ ކައިރޯގައި ހުންނަ ދަ ނޭޝަނަލް މިއުޒިއަމް އޮފް އިޖިޕްޝަން ސިވިލައިޒޭޝަނަށެވެ. މިއީ އެގައުމުގެ ގާދީމީ ތަރިކަތައް ރައްކާކޮށްފައި ހުންނަ އެންމެ ބޮޑު މިއުޒިއަމެެވެ.