ވެލިގަނޑުގައި ވީރާނާވެ ހުރި ރޯހައުސްތައް މަރާމާތުކުރަން ބަޔަކާ ހަވާލުކޮށްފި

ރައީސް ނަޝީދުގެ ވެރިކަމުގައި ކުޅުދުއްފުށީގައި ހިއްކި ބިމުގައި އަޅަން ފަށައި ހުއްޓިފައި ހުރި ކުޅުދުއްފުށީ ހައުސިން ޔުނިޓްތައް ނިންމުމަށް ބަޔަކާ ހަވާލުކޮށްފި އެވެ.

އެ ހައުންސިލް ޔުނިޓްގެ މަސައްކަތް ހުއްޓުނީ ރައީސް ނަޝީދުގެ ވެރިކަން ނިމުމު ހިސާބުންނެވެ. އޭރުވެސް ފެންވަރު ދަށްކޮށް އިމާރާތްކުރަން ފެށި 105 ހައުސިން ޔުނިޓުގެ މަސައްކަތް ނިންމުމަށް ހަވާލުކޮށްފައިވަނީ ދޮންބެޒް ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކާ އެވެ.

ޖުމްލަ ސާޅީސް ހަތް ލައްކަ ރުފިޔާ ދައުލަތުގެ 2021 ވަނަ އަހަރުގެ ޕީއެސްއައިޕީ ބަޖެޓުން ހަރަދުކުރާ މި މަޝްރޫއު ނިންމަން ޖެހެނީ 240 ދުވަހުގެ ތެރޭގައެވެ.

ކޮންޓްރެކްޓްގައި މިނިސްޓްރީ އޮފް ނޭޝަނަލް ޕްލޭނިން އެންޑް އިންފްރާސްޓްރަކްޗަރގެ ފަރާތުން ސޮއި ކުރެއްވީ ހައުސިން ޑިޕާރޓްމަންޓްގެ ޑިރެކްޓަރ ޖެނެރަލް އަހުމަދު ވިޝާން ނަސީމެވެ. ދޮންބެޒް ޕްރައިވެޓް ލިމިޓެޑުން ސޮއި ކުރެއްވީ އެކުންފުނީގެ ހެޑް އޮފް އޮޕަރޭޝަން އަލީ ހަމްދޫނެވެ.