ދަ ކްރައުންގެ ފަހު ސީޒަން: ޕްރިންސް ވިލިއަމްއާއި ހެރީގެ ވާހަކަ ބަލާލަން ކެތްމަދުވެފައި

ނެޓްފްލިކްސްގެ އެންމެ ކާމިޔާބު ސީރީޒް "ދަ ކްރައުން" ގެ ކުރިއަށް އޮތީ އެންމެ ފަހު ސީޒަން އެވެ.

ސީރިޒް ނިމުމަކާއި ހިސާބަށް އައުމުން ހިތާމަކުރާ ހާލު މި ސީޒަންގައި ޕްރިންސް ވިލިއަމްއާއި ޕްރިންސް ހެރީގެ ވާހަކަ ބަލާލުމަށްވެސް ބެލުންތެރިން ތިބީ ކެތްމަދުވެފައެވެ.

އަދި މިހާތަނަށް މި ސީޒަންގައި ފެންނާނީ އެ ދެ ބޭފުޅުންގެ ހަޔާތުގެ ކިހާ ހިސާބެއްކަމެއް ޔަގީން ނުވާއިރު މިއީވެސް ފަހު ސީޒަން ބަލާލަން ކެތް މަދުވާ އެއް ސަބަބެވެ.

އިނގިރޭސި ވިދާތުގެ ޝާހީ އާއިލާގެ މައްޗަށް ބިނާކޮށް ގެނެސްދޭ "ދަ ކްރައުން" ގެ 5 ވަނަ ސީޒަންގައި ޕްރިންސެސް ޑަޔާނާގެ ހަޔާތުގެ ވާހަކަ ވަނީ ގެނެސްދީފައެވެ. އެ ސީޒަން ނިމުނު އިރު ޕްރިންސް ޗާލްސްއާއި ޑަޔާނާގެ ގުޅުން ގޯސްވެ ވަކިވުމާއި ހަމައަށް ވަނީ އައިސްފައެވެ.

5 ވަނަ ސީޒަންގައި ޕްރިންސް ވިލިއަމް އަދި ހެރީގެ ތުއްތު ކުދިންގެ ގޮތުގައިވެސް ފެނިގެން ގޮސްފައި ވެއެވެ.