އޭޕްރިލް މަހު މިހާތަނަށް ރާއްޖެއަށް 38،924 ފަތުރުވެރިން ޒިޔާރަތްކޮށްފައިވޭ

އޭޕްރިލް މަހު މިހާތަނަށް ރާއްޖެއަށް 38،924 ފަތުރުވެރިން ޒިޔާރަތްކޮށްފައިވާ ކަމަށް ޓޫރިޒަމް މިނިސްޓްރީން އާންމުކޮށްފައިވާ ތަފާސް ހިސާބުތަކުން ދައްކައިފި އެވެ.

އެ މިނިސްޓްރީން އާންމުކޮށްފައިވާ ތަފާސް ހިސާބުތަކުން ދައްކާގޮތުގައި އޭޕްރިލް މަހު އެންމެ ގިނަ ފަތުރުވެރިން އައިސްފައިވަނީ މިމަހުގެ ދެވަނަ ދުވަހުއެވެ. އެދުވަހު ރާއްޖެށް 5،141 ފަތުރުވެރިން އައިސްފައިވާއިރު ދެވަނަ އެންމް ގިނަ ފަތުރުވެރިންއައީ އޭޕްރިލް އެއްވަނަ ދުވަހުއެވެ. އެއީ 3،994 ފަތުރުވެރިންނެވެ.

މި އަހަރު މިހާތަނަށް 337،494 ފަތުރުވެރިން އައިސްފައިވާއިރު އެންމެ ގިނައިން ފަތުރުވެރިން އައިސްފައިވަނީ އިންޑިޔާ، ރަޝިޔާ އަދި ޔުކްރެއިނުންނެވެ.

ރާއްޖޭގައި މި ވަގުތު 151 ރިސޯޓް، 405 ގެސްޓްހައުސް، 137 ސަފާރީގެ އިތުރުން 11 ހޮޓެލް އޮޕަރޭޝަންގައި އެބައޮތެވެ. އެއީ ޖުމްލަ 46،463 އެނދެވެ.