އޮގަސްޓުގައި ފަށައި ދިރާސީ އާ އަހަރުގެ ކަލަންޑަރު ނެރެފި

އޮގަސްޓް 10 ވަނަ ދުވަހު ފަށާ ދިރާސީ އާ އަހަރުގެ އެކަޑެމިކް ކަލަންޑަރު އެޑިއުކޭޝަން މިނިސްޓްރީން މިއަދު އާންމުކޮށްފި އެވެ.

އެކަޑެމިކް ކަލަންޑަރު ބުނާ ގޮތުން، ފުރަތަމަ ޓާމުގެ ކިޔެވުން ކުރިއަށްދާނީ އޮގަސްޓް 10 އިން ޑިސެމްބަރު 23 އަށެވެ. ފުރަތަމަ ޓާމުގެ ޗުއްޓީ ވާނީ 26 ޑިސެމްބަރުން ޖެނުއަރީ 13، 2022 އަށެވެ. މިޑްޓާމް ޗުއްޓީ ވާނީ އޮކްޓޫބަރު 17ގަ އެވެ.

ދިރާސީ އާ އަހަރުގެ ފުރަތަމަ ޓާމުގައި ކިޔަވައިދޭނީ 88 ދުވަހު އެވެ. ދެވަނަ ޓާމުގައި ކިޔަވައިދޭނީ 111 ދުވަހު އެވެ. އެހެންކަމުން މުޅި އަހަރު 200 ދުވަހު ކިޔަވައިދޭނެ އެވެ.

Academic Calendar 2021-2022 pic.twitter.com/UMwFDQLGQ4

— Ministry of Education (@MoEdumv) April 19, 2021

ދެ ވަނަ ޓާމުގެ ކިޔެވުން ކުރިއަށްދާނީ އަންނަ އަހަރުގެ ޖެނުއަރީ މަހުގެ 16 އިން ޖޫން 30 އަށެވެ. މިޑްޓާމް ޗުއްޓީ ވާނީ އޭޕްރީލް ތިނަކުން، އޭޕްރީލް ހަތް ވަނަ ދުވަހަށެވެ. ދެ ވަނަ ޓާމު ޗުއްޓީ ވާނީ 30 ޖޫން އިން ފެށިގެންނެވެ.

ދިރާސީ އަހަރަށް ގެނައި ބަދަލާ އެކު އޭލެވެލް އަދި އޯލެވެލް އިމްތިހާނު ވެސް ދެން އޮންނާނީ މެއި/ޖޫން ގައެވެ. އޭލެވެލް ކިޔެވުން ފެށޭނީ ސެޕްޓެމްބަރު 26 ގައެވެ.