އެޑެކްސެލްއިން ވަކިގޮތެއް އަންގަންދެން އިމްތިހާން ކުރިއަށްދާނެ: އެޑިއުކޭޝަން

އޭލެވެލް އިމްތިހާނުގެ ޕޭޕަރުތަކެއް ލީކުވެގެން އުޅޭ މައްސަލައިގައި އެޑެކްސެލް އިން ވަކި ގޮތެއް އަންގަންދެން، ރާއްޖޭގައި އިމްތިހާނު ކުރިއަށްދާނެ ކަމަށް އެޑިއުކޭޝަން މިނިސްޓްރީން ބުނެފި އެވެ.

ލީކުވެފައިވާ ޕޭޕަރުތަކުގެ ތެރޭގައި ބަޔޮލޮޖީ، ފިޒިކްސް، މެކޭނިކްސް، ސްޓެޓިސްޓިކްސް، ބިޒްނަސް، އަދި ކެމިސްޓްރީ ޕޭޕަރުތަކެއްވެސް ހިމެނެ އެވެ.

އިމްތިހާނުގެ ބައެއް ސުވާލު ކަރުދާސްތައް ރާއްޖެއިން ބޭރުގެ ބައެއް އޮންލައިން ޕްލެޓްފޯމު ތަކުން ލީކު ކުރަމުންދާ ވާހަކަ އެޑިއުކޭޝަންގެ ސަމާލުކަމަށް ވެސް އައިސްފައިވާ ކަމަށާއި އަދި އެ މައްސަލަ އެޑެކްސެލް އިން ވެސް މިހާރު ބަލަމުން އަންނަ ކަމަށް މިނިސްޓްރީން ބުންޏެވެ.

މި މައްސަލައިގައި އެޑިއުކޭޝަން މިނިސްޓްރީން މިއަދު ނެރުނު ބަޔާނެއްގައި ބުނީ ރާއްޖޭގެ އެއްވެސް އިމްތިހާނު ސެންޓަރަކުން އޭލެވެލް އިމްތިހާނުގެ ޕޭޕަރެއް ލީކު ވެފައި ނުވާނެ ކަމަށެވެ.