ކޮޅިގަނޑު ތޫފާނަކަށް ބަދަލު ވެއްޖެ، ދަތުރު ކުރަނީ ރާއްޖެއާ ދުރަށް

އިރުދެކުނު އަރަބި ކަނޑުގައި އުފެދިފައިވާ ކޮޅިގަނޑު ތޫފާނަކަށް ބަދަލުވެފައިވާ ކަމަށް މެޓް އޮފީހުން ބުނެފި އެވެ. ތޫފާނަށް ދެވިފައިވާ ނަމަކީ ޓައުޓޭ އެވެ،

މެޓް އޮފީހުން ބުނީ ތޫފާން ޓައުޓޭ މިހާރު ހުރީ ހއ ތުރާކުނުގެ އުތުރުން ގާތްގަނޑަކަށް 400 މޭލު ދުރުގައި ކަމަށާއި ތޫފާން ދަތުރު ކުރަމުންދަނީ ރާއްޖެއާއި ދުރަށް ކަމަށެވެ.

Update of Tropical Cyclone #TAUKTAE over North of Maldives in the Arabian Sea.@NDMAmv @MNDF_Official #TauktaeCyclone pic.twitter.com/c9K8qRIAl2

— Maldives Meteorology (@MetMaldives) May 15, 2021

ތޫފާނާއި ގުޅިގެން ރާއްޖޭގެ ސަރަހައްދަށް ޖެހެމުންދާ ގަދަވަޔާއި ވިއްސާރަ މިރެއިން ފެށިގެން މަޑުވާން ފަށާނެކަމަށް ބެލެވޭ ކަމަށާއި ނަމަވެސް ހުޅަނގު މޫސުމުގެ ސަބަބުން ކުރިއަށް އޮތް 24 ގަޑިއިރު ރާއްޖޭގެ އެކި ހިސާބުތަކަށް ވިއްސާރަ ކުރާނެކަމަށް ލަފާކުރެވޭކަމަށް މެޓް އޮފީހުން ބުނެފައި ވެއެވެ.

ތޫފާނުގެ ސަބަބުން ގަދަ ވަޔާއެކު ވިއްސާރަކޮށް، ބައެއް ރަށްރަށަށް އުދައަރާ އެކިވަރުގެ ގެއްލުންތައް ވަނީ ވެފައެވެ.