ކޮވިޑް ޖެހިގެން 78 އަހަރުގެ މީހަކު މަރުވެއްޖެ، މިއީ މިއަދުގެ 6 ވަނަ މަރު

ކޮވިޑް-19 އަށް ފަރުވާދެމުން ދިޔަ އުމުރުން 78 އަހަރުގެ މީހަކު މަރުވެއްޖެ އެވެ.

ހެލްތު ޕްރޮޓެކްޝަން އޭޖެންސީން ބުނީ ހުޅުމާލެ ފެސިލިޓީގައި ފަރުވާދެމުން ދިޔަ އުމުރުން 78 އަހަރުގެ ދިވެހި ފިރިހެނަކު މިއަދު މެންދުރު ފަހު 02:25 ހާއިރު މަރުވެފަކަމަށެވެ. މިއީ މި ބަލީގައި މިއަދު މަރުވި 6 ވަނަ މީހާއެވެ.

Today at 02:25 pm a 78-year-old Maldivian male admitted at HMF has passed away

This is the 135th COVID-19 death in the Maldives

Our thoughts and prayers are with the bereaved family. May Allah grant his soul eternal peace in heaven

— Health Protection Agency (@HPA_MV) May 24, 2021

މިއީ ކޮވިޑްގައި ރާއްޖޭގެ 135 ވަނަ މަރެވެ. އިއްޔެ ވެސް ރާއްޖެން 1،559 މީހަކު ޕޮޒިޓިވްވެފައިވާއިރު ހޮސްޕިޓަލުގައި އެޑްމިޓްކޮށްގެން 290 މީހަކަށް ދަނީ ފަރުވާދެމުންނެވެ.

އިއްޔެ ޕޮޒިޓިވްވި މީހުންގެ ތެރެއިން 1،135 މީހުންނަކީ މާލެ ސަރަހައްދުން ޕޮޒިޓިވް މީހުންނެވެ. އަތޮޅުތެރެއިން 401 މީހަކު ޕޮޒިޓިވްވި އިރު ރިސޯޓްތަކުން 20 މީހަކު ވަނީ ޕޮޒިޓިވްވެފައެވެ.