ހއ އަތޮޅުން ތ އަތޮޅަށް ވައިޓް އެލާޓް

ރާއްޖެއަށް މިހާރު ކުރަމުން މިދާ ހުޅަނގު މޫސުމުގެ ވިއްސާރާގައި އިތުރަށް މޫސުން ގޯސްވާނެކަމަށް ލަފާކޮށް ހއ އަތޮޅުން ތ އަތޮޅަށް ވައިޓް އެލާޓް ނެރެފި އެވެ.

މެޓް އޮފީހުން ބުނީ އުތުރާއި މެދުރާއްޖެތެރޭގެ އެކިހިސާބަށް ވިއްސާރަކޮށް، ބައެއް ރަށްތަކަށް ގުގުރުމާއެކު ބޯކޮށް ވާރޭ ވެހުން އެކަށީގެންވާ ކަމަށެވެ. އެގޮތުން އެލާޓް ނެރެފައިވަނީ ހެނދުނު 06:00 ން 12:00 އަށެވެ.

Alert White for Strong winds & rough Seas pic.twitter.com/tSkwVyaf6T

— Maldives Meteorology (@MetMaldives) May 25, 2021

ވައިޖެހޭނެ ކަމަށް ލަފާކޮށްފައިވަނީ ގަޑިއަކު 22 މޭލާއި 27 މޭލާ ދެމެދުގެ ބާރުމިނެއްގައެވެ. ވިލާ ގަނޑުގައި ގަޑިއަކު ގާތްގަނޑަކަށް 45 މޭލަށް ވައިގަދަވާނެ ކަމަށް ލަފާކުރެވޭކަމަށް މެޓު އޮފީހުން މައުލޫމާތު ދެއެވެ.

މީގެ އިތުރުން ބަންގްލަދޭޝް ކަނޑުގައި އުފެދިފައިވާ ކޮޅިގަނޑުވެސް ތޫފާނަކަށް ބަދަލުވެފައިވާކަމަށް އިއްޔެ މެޓު އޮފީހުން ވަނީ ބުނެފައެވެ. ނަމަވެސް ކޮޅިގަނޑު ރާއްޖެއާއި ދުރަށް ދަތުރުކުރަމުން ދާތީ އޭގެ ސީދާ އަސަރު ރާއްޖެއަށް ނުކުރާނެ ކަމަށް ބުނެފައި ވެއެވެ.