ވެކްސިންގެ ދެވަނަ ޑޯޒް 161،454 މީހަކު ފުރިހަމަކޮށްފި

މިހާތަނަށް ރާއްޖޭން ކޮވިޑް ވެކްސިންގެ ދެ ދޯޒް ޖަހާ 161،454 މީހަކު ވެކްސިން ފުރިހަމަކޮށްފައިވާކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.

މިހާރުވެސް ކޮވިޑް ވެކްސިންގެ ފުރަތަމަ ޑޯޒް ޖެހުން ވެސް ކުރިއަށްދާއިރު އިއްޔެ 717 މީހަކަށް ވަނީ ފުރަތަމަ ޑޯޒް ޖަހާފައެވެ. އެޗްޕީއޭ އިން ބުނީ އިއްޔެ 1،924 މީހަކު ދެވަނަ ޑޯޒް ޖަހާފައިވާ ކަމަށާއި އެއީ އަތޮޅުތަކުން ވެކްސިން ދިން 1،398 މީހަކާއި މާލެ ސަރަހައްދުން ވެކްސިން ދިން 526 މީހެއްކަމަށެވެ.

*️⃣ COVID-19 : Vaccination Updates

25.05.2021

Number of people who have received the first dose -
Greater Malé Area: 294
Atolls: 423

Number of people who have received the second dose -
Greater Malé Area: 526
Atolls: 1,398 pic.twitter.com/HfXQQoqRP3

— Health Protection Agency (@HPA_MV) May 26, 2021

މިވަގުތު ރާއްޖޭގައި ދެމުން އަންނަނީ ސައިނޮފާމް ވެކްސިނެވެ. އެގޮތުން އެ ވެކްސިންގެ ދެވަނަ ޑޯޒް ޖަހާނީ ފުރަތަމަ ޑޯޒް ޖަހާތާ 4 ހަފްތާ ފަހުންނެވެ.

މިހާތަނަށް ރާއްޖެއިން 307،927 މީހަކަށް ވެކްސިން ދީފައިވެއެވެ.