ވައިގަދަވާނެކަމަށް ލަފާކޮށް ހއ އަތޮޅުން ރ އަތޮޅަށް ވައިޓް އެލާޓް

ވައިގަދަވެ ކަނޑުތައް ގަދަވާނެކަމަށް ލަފާކޮށް ހއ އަތޮޅުން ރ އަތޮޅަށް ވައިޓް އެލާޓް ނެރެފި އެވެ. އެލާޓް ނެރެފައިވަނީ މިއަދު މެންދުރުފަހުން 14:45 ފެށިގެން ހަވީރު 17:00 ށެވެ.

މޫސުމާ ބެހޭ ގައުމީ އިދާރައިން ބުނީ ގަޑިއަކު 19 މޭލާއި 24 މޭލާ ދެމުދުގެ ބާރުމިނެއްގައި ވައިޖެހޭނެ ކަަމަށާއި ރާއްޖޭގެ ކަނޑުތައް އާންމު ގޮތެއްގައި ގަދަ ވާނެކަމަށެވެ.

މީގެ އިތުރުން ހުޅަނގާއި ހުޅަނގުއުތުރުން މެދުރާއްޖެތެރޭގެ އަތޮޅުތަކަށް ގަޑިއަކު 15 މޭލާއި 25 މޭލާ ދެމެދުގެ ބާރުމިނުގައި ވައިޖެހޭނެކަށެވެ.

Alert white for strong winds and rough seas pic.twitter.com/bxQ5fNzBoJ

— Maldives Meteorology (@MetMaldives) May 30, 2021

މީގެ އިތުރުން ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރުކުރުން އެކަށީގެން ވާކަމަށާއި ރާޅުގެ އުސްމިނުގައި 4-7 ފޫޓް ހުންނާނެކަމަށް ލަފާކުރެވޭކަމަށް މެޓް އޮފީހުން މައުލޫމާތު ދެއެވެ.

އެހެންކަމުން ހުރިހާ ފަރާތްތަކުން ހާއްސަކޮށް ކަނޑުދަތުރު ކުރާފަރާތަކުން މޫސުމަށް ސަމާލުވުމަށް އެ އިދާރާއިން އިލްތިމާސްކުރެއެވެ.