ޑްރޮގްބާގެ ސެލެބްރޭޝަން މޭސަން މައުންޓް އަލުން ދައްކާލައިފި

1-0 އިން މެންޗެސްޓަރ ސިޓީ ބަލިކޮށް ޔޫއެފާ ޗެމްޕިއަންސް ލީގުގެ ޗެމްޕިއަންކަން ޗެލްސީ ހޯދުމާއި ގުޅިގެން ތައްޓާއި އެކު ޑްރަގޮބާ ކުރި ސެލެބްރޭޝަން، މޭސަން މައުންޓް އަލުން ކޮށްފިއެވެ.

މިއީ ޗެމްޕިއަންންސް ލީގުގެ ޗެމްޕިއަންކަން ޗެލްސީން ހޯދި ދެ ވަނަ ފަހަރަށްވާއިރު 2012 ވަނަ އަހަރު އެޓީމު ޗެމްޕިއަންސް ލީގު ކާމިޔާބުކުރީ ޕެނަލްޓީ ޖަހައިގެން ބަޔާން މިއުނިކް ބަލިކޮށްގެންނެވެ.

މޭސަން މައުންޓް ކުރި ޓްވީޓެއްގައި ކުރީގެ ޗެލްސީގެ ތަރި ޑްރޮގްބާ ޓެގްކޮށް ދެމީހުންގެ ސެލެބްރޭޝަން އެއްގޮތް ކަން ދެއްކުމަށް ފޮޓޮއެއްވަނީ އާންމު ކޮށްފައެވެ. މި ޓްވީޓްގައި ކުރީގެ ހަނދާންތައް އަލުން އެނބުރި އައިސްފައިވާކަމަށް މައުންޓް ބުނެފައިވެއެވެ.

Roll it back!!! 💙 @didierdrogba 👑 pic.twitter.com/JOR6ot8xET

— Mason Mount (@masonmount_10) May 29, 2021

ޗެމްޕިއަންސް ލީގުގެ އިތުރުން ޔޫއެފާ ޔޫރޮޕާ ލީގު 2013 ވަނަ އަހަރާއި 2019 ވަނަ އަހަރު ޗެލްސީން ވަނީ ކާމިޔާބުކޮށްފަ އެވެ. ޔޫރަޕްގެ ފުޓްބޯޅައިގައި އެޓީމު މިހާތަނަށް ކުޅުނު ހަތް ފައިނަލުގެ ތެރެއިން ބަލިވީ އެންމެ ފައިނަލަކުންނެވެ.