ރަހީނުކޮށް އަނިޔާކުރި މައްސަލާގައި ދެ މީހުން ހައްޔަރުކޮށްފި

ކުޅުދުއްފުށީގައި ޒުވާނަކު ރަހީނުކޮށް އަނިޔާކުރި މައްސަލާގައި ރޭ ދެމީހަކު ހައްޔަރުކޮށްފި އެވެ.

ފުލުހުން ބުނީ މިދިޔަ ހޮނިހިރު ދުވަހުގެ ރޭ މޫނު ނިވާކޮށްގެން ތިބި ބަޔަކު ޒުވާނަކު ރަހީނުކޮށް ކާރަކަށް އަރުވައިގެން ގެންގޮސް އަނިޔާކުރި މައްސަލާފައި ހައްޔަރުކޮށްފައިވަނީ 24 އަހަރު އަދި 25 އަހަރުގެ ދިވެހި ދެ ފިރިހެނުން ކަމަށެވެ.

ފުލުހުން ވަނީ ކޯޓު އަމުރެއްގެ ދަށުން އެމީހާ ރަހީނުކޮށްގެން ގެންދިޔަ ކާރު ވެސް ފުލުހުންގެ ބެލުމުގެ ދަށަށް ގެންގޮސްފަ އެވެ. ރަހީނުކޮށް އަނިޔާކުރީ 29 އަހަރުގެ ފިރިހެނަކަށެވެ. މި ހާދިސާގައި އެމީހާ ބޮލުގެ ކަނާތްފަރާތުގެ ނާށިގަނޑު ފަޅައިގެންގޮސް ސިކުނޑިއަށް ވަނީ ލޭ އެޅިފައެވެ. އެމީހާގެ ހާލު އަދިވެސް ވަަރަށް ކްރިޓިކަލްއެވެ.

އެމީހާއަށް ކުޅުދުއްފުށީ ރީޖަނަލް ހޮސްޕިޓަލުގައި ފަރުވާދިނުމަށް ފަހު އިތުރު ފަރުވާ މާލެ ފޮނުވާލާ މިހާރު އަންނަނީ އޭޑީކޭ ހޮސްޕިޓަލުގައި ފަރުވާދެމުންނެވެ. މިވަގުތުވެސް އޭނާ އޮތީ އައިސީޔޫގައެވެ.