ޑާކާ ދަތުރުތައް މޯލްޑިވިއަންއިން މެދުކަނޑާލައިފި

އެއާލައިން މޯލްޑިވިއަނުން ބަންގްލަދޭޝްގެ ޑާކާއަށް ކުރަމުން ދިޔަ ދަތުރުތައް މެދުކަނޑާލައިފި އެވެ.

މޯލްޑިވިއަނުން ބުނީ އެގޮތަށް ނިންމީ އެގައުމުގައި ކޮވިޑް-19 ގެ ކޭސްތައް އިތުރުވެ ބަލި ފެތުރުން ކޮންޓްރޯލް ކުރުމަށްޓަކައި ދެގައުމުގެ ދެމެދުގައި ވައިގެ ދަތުރުފަތުރު ކުރުން ވަގުތީ ގޮތުން ސަސްޕެންޑް ކުރަން އެގައުމުގެ ސަރުކާރުން ނިންމުމުން ކަމަށެވެ.

އެހެންކަމުން މިމަހު 4 ވަނަ ދުވަހުން ފެށިގެން އެ އެއާލައިނުން ޑާކާއަށް ކުރާ ދަތުރުތައް ވަކި ގޮތެއް އަންގަންދެން ހުއްޓާލުމަށް ވަނީ ނިންމާފަ އެވެ.

އެއާލައިނުން ޑާކާއަށް 4 ވަނަ ދުވަހަށް ތާވަލް ކުރި ދަތުރުވަނީ 3 ވަނަދުވަހު މެންދުރުފަހު 02:25 ގައި ފުރާގޮތަށް އަވަސްކޮށްފައެވެ.