ރަހީނުކުރި މައްސަލާގައި ފަހު ހައްޔަރުކުރި ދެ މީހުންގެ ބަންދަށް 15 ދުވަސް

ކުޅުދުއްފުށީގައި މީހަކު ރަހީނުކޮށް އަނިޔާކުރި މައްސަލާގައި ފަހުން ހައްޔަރު ކުރި ދެމީހުންގެ ބަންދަށް 15 ދުވަސް ޖަހައިފި އެވެ.

މޫނު ނިވާކޮށްގެން ތިބި ބަޔަކު 29 އަހަރުގެ މީހަކު ކާރަކަށް އަރުވައިގެން ގެންގޮސް އަނިޔާކުރި މައްސަލައާ ގުޅިގެން ފުލުހުން މިހާތަނަށް ވަނީ 4 މީހުން ހައްޔަރުކޮށްފައެވެ.

އޭގެ ތެރެއިން ދެ މީހަކު ހައްޔަރުކުރީ ރޭގެ ވަގުތެއްގަ އެވެ. އެއީ 19 އަހަރާއި 20 އަހަރުގެ ދިވެހި ފިރިހެނެކެވެ. މި މައްސަލާގައި މިމަހުގެ އެއް ވަނަ ދުވަހުގެ ރޭ އެންމެ ފުރަތަމަ ހައްޔަރުކުރީ 24 އަހަރުގެ މީހަކާއި 25 އަހަރުގެ ދިވެހި ދެ ފިރިހެނެކެވެ.

އެ ދެ މީހުންގެ ބަންދާ މެދު ގޮތެއް ނިންމަން ކުޅުދުއްފުށީ މެޖިސްޓްރޭޓް ކޯޓަށް ހާޒިރުކުރުމުން 15 ދުވަސް ބަންދަށް ދީފައިވެ އެވެ.