ރާއިފު މަރުގެ މައްސަލާގައި ބަންދުކުރި ބޮޑުމީހާ ޝަރީއަތް ނިމެންދެން، 17 އަހަރުގެ ކުއްޖާއަށް 15 ދުވަހުގެ ބަންދެއް

ރަހުމު ކުޑަގޮތަކަށް މަރާލުމަށްފަހު ހުޅުމާލޭގެ ދެވަނަ ފިޔަވަހީގެ ސަރަހައްދު މޫދަށް އެއްލާލާފައި އޮއްވާ ރޭ ދަންވަރު ފެނުނު އުންމުރުން 13 އަހަރުގެ ކުއްޖާގެ މަރުގެ ތުހުމަތުގައި ހައްޔަރުކުރި މީހުންގެ ބަންދުގެ މުއްދަތު ކޯޓުން ޖަހައިފި އެވެ.

ފުލުހުން ބުނީ އެ މައްސަލައިގައި ހައްޔަރުކުރި 17 އަހަރުގެ ފިރިހެން ކުއްޖާ ބަންދަށް ވަނީ 15 ދުވަހުގެ މުއްދަތެއް ކޯޓުން ޖަހާފަ އެވެ. އަދި ހަމަ އެ މައްސަލައިގައި ހައްޔަރު ކުރި 27 އަހަރުގެ ދިވެހި ފިރިހެން މީހާ ޝަރީއަތް ނިމެންދެން ބަންދުކުރާ ގޮތަށް ކޯޓުން އަމުރުކޮށްފައިވާ ކަމަށެވެ.

އުމުރުން 13 އަހަރުގެ ރާއިފް މަރާލައިފައި އޮއްވާ ފެނުމުގެ ކުރިން އޭނާ ރަހީނު ކޮށްފައިވާ ކަމަށް ބުނާ މައްސަލައެއް މިދިޔަ އާދީއްތަ ދުވަހު ފުލުހަށް ވެސް އޮތީ ހުށަހަޅައިފަ އެވެ. ފުލުހުން އައީ އެ މައްސަލަ ބަލަމުންނެވެ.

Court has granted remand till sentencing for the 27-year-old and 15 days for the 17-year-old apprehended for the murder of 13-year-old boy.

Investigation of the case continues.

— Maldives Police (@PoliceMv) June 22, 2021

ފުލުހުން ބުނީ މި މައްސަލާގައި ތަހުގީގަށް ބޮޑެތި ކުރިއެރުންތަކެއް ލިބިފައިވާ ކަމަށާއި ރާއިފަށް މުއައްސަސާތަކުން ދޭން ޖެހޭ ރައްކާތެރެކަން ފޯރުކޮށްދީފައިިވޭތޯ ބެލުމުގެ މަސައްކަތް ވެސް ރައްޔިތުންގެ މަޖިލީހުން މިހާރު ދަނީ ބަލަމުން ނެވެ.