އުރީދޫ ސުޕަނެޓު ޕެކޭޖުތައް އަގުހެޔޮކޮށްފި

އުރީދޫ މޯލްޑިވްސްގެ ތަސައްވުރާއި ސަރުކާރުގެ ނެޓުހެޔޮ ކުރުމުގެ މަޝްރޫއާއި އެއްބާރުލުންދިނުމުގެ ގޮތުން އުރީދޫ ސުޕަރނެޓް ފިކްސްޑް ބްރޯޑްބޭންޑް ޕްލޭންތަކަށް މިއަދު ވަނީ ބޮޑެތި ބަދަލުތަކެއް ގެނެސް އަޕްގްރޭޑްކޮށްފައެވެ.

އުރީދޫން ބުނީ ސަރުކާރުގެ ނިންމުމާ އެއްގޮތަށް އެ ކުންފުނީގެ ސުޕެނެޓު ޕެކޭޖުތަކަށް އާ ހަތަރު ޕެކޭޖެއް ތައާރަފު ކޮށްފައިވާ ކަމަށެވެ. އެއީ 250ރ. އަށް 30ޖީބީ ލިބޭ ޕެކޭޖަކާއި 400ރ. އަށް 65ޖީބީ ލިބޭ ޕެކޭޖެއްގެ އިތުރުން 500ރ. އަށް 130ޖީބީ ލިބޭ ޕެކޭޖަކާއި 700ރ. އަށް 210ޖީބީ ލިބޭ ޕެކޭޖަކެވެ.

އަލަށް ތައާރަފު ކުރި މި ޕެކޭޖުތައް މާދަމާއިން ފެށިގެން އުރީދޫ ސުޕަނެޓް ކަސްޓަމަރުންނަށް އެކްޓިވޭޓް ކުރެވޭނެ އެވެ.

ޑޭޓާ އެލަވަންސް، ޑޭޓާ ރޯލްއޯވާގެ އިތުރުން އުރީދޫން ވަނީ ސުޕަނެޓް ވޮއިސްގެ ހިދުމަތާއި އުރީދޫ ކްލަބް ޕްރީމިއާ ލޯޔަލް ޕްރޮގްރާމްގެ ހިދުމަތް ވެސް އިއުލާނު ކޮށްފަ އެވެ.

އުރީދޫން ވަނީ އާ ޕެކޭޖުތަކުގެ އިތުރުން މިހާރު ހުރި ޕެކޭޖުތަކުގެ އެލަވެންސް ވެސް ދެގުނަ އިތުރުކޮށްފަ އެވެ.

އުރީދޫ ކްލަބް ޕްރިމިއާ ރިވާޑް ސްކީމްގެ ހިދުމަތްތައް ވެސް ސުޕަނެޓް 35އެމް އިން ފެށިގެން މަތީ ޕްލޭންތައް ގެންގުޅޭ ފަރާތްތަކަށް އަންްނަ މަހުން ފެށެގެން ލިބޭނެ އެވެ.

އެ ކުންފުނީގެ ސީއީއޯ އަދި މެނޭޖިން ޑިރެކްޓަރު ނަޖީބު ޚާން ވިދާޅުވީ ދިވެހިންނަށް އިންޓަނެޓު ބޭނުން ކުރުމުގައި ލުއި ގޮތްތަކެއް ހޯދައި ދިނުމަކީ އުރީދޫގެ މަގުސަދެއް ކަމަށެވެ. މިގޮތުން، ސަރުކާރާއި ގުޅިގެން އަގުހެޔޮކޮށް ރައްޔިތުންނަށް އިންޓަނެޓު ފޯރުކޮށްދިނުމަށް އުރިދޫން އަބަދުވެސް މަސައްކަތް ކުރާނެ ކަމަށް އޭނާ ވިދާޅުވި އެވެ.