ޔޫރޯ ފައިނަލުގައި އިނގިރޭސީންނަށް ދުނިޔޭގެ ރެކޯޑެއް

ޔޫރޯ ފައިނަލުން ބަލިވި ނަމަވެސް އިނގިރޭސިންނަށް ދުނިޔޭގެ ރެކޯޑެއް ލިބޭނެކަން ކަށަވަރުވެއްޖެ އެވެ.

އެހާ އަވަހަށް ބައިކޮޅަށް ލަނޑެއް ވަނުމުން، އިޓަލީ އަށް ޝޮކެއް ލިބުނެވެ. މެޗުގެ ތެރެއަށް އެނބުރި އަންނަން އިޓަލީއަށް ގިނަ އުނދަގޫތަކެއް ކުރިމަތިވެ މިސްޓޭކުތަކެއް ހެދުނެވެ. އިންގްލޭންޑްގެ ކުޅަދާނަ ޑިފެންޑަރު ލޫކް ޝޯ މެޗު ފެށިތާ އެއް މިނިޓް 57 ސިކުންތު ތެރޭ ވަނީ އިޓަލީގެ ގޯލު ފޫއަޅުވާލާފަ އެވެ. މިލަނޑަކީ ޔޫރޯ ފައިނަލެއްގައި އިންގްލޭންޑްގެ ތާރީހުގައިވެސް ޖެހި ހަމައެކަނި ލަނޑެވެ.

މިއީ ޔޫރޯ މުބާރާތެއްގެ ފައިނަލް މެޗެއްގައި ޖެހި އެންމެ އަވަސް ގޯލެވެ. މި ލަނޑުގެ ވާހަކަ ގިނިސް ވޯލްޑް ރެކޯޑުން ފާހަގަކޮށް ބުނީ މި ރެކޯޑް ރަސްމީކޮށް ކަށަވަރުކޮށް ދިނުމާ ގުޅޭ ކަންކަން ކުރަމުން އަންނަ ކަމަށެވެ.

މީގެ ކުރިން މި ރެކޯޑް އޮންނަނީ ސުޕެއިންގެ ޗަސް ޕެރޭޑާ އަތުގަ އެވެ. އެއީ 1964 ވަނަ އަހަރުގެ ފައިނަލުގައި ސޯވިއެޓް ޔޫނިއަން ކޮޅަށް 5 މިނެޓް 17 ސިކުންތު ތެރޭ ޖެހި ލަނޑާއެކުގަ އެވެ.

މެޗްގެ އެންމެ ކުރީކޮޅު ލަނޑެއް ޖަހާނެ ފުރުސަތު އިނގިރޭސި ޓީމަށް ލިބުނު ނަމަވެސް މެޗް ނިންމައިލަން ޖެހުނީ އިޓަލީގެ ބޮނޫޗީގެ ލަނޑާ އެކު 1-1 އިން އެއްވަރުވެގެންނެވެ. އިތުރު ވަގުތުވެސް ނަތީޖާ ނުނެރުވުމުން ނަތީޖާ ނެރެން ޖެހުނީ ޕެނަލްޓީ ޖަހައިގެންނެވެ. ޕެނަލްޓީ ޖަހައިގެން 3-2 އިން މެޗު ކާމިޔާބުކޮށް ތަށި ނެގީ އިޓަލީންނެވެ.