ފުލޫ އޯޕީޑީއަށް ދެއްކި ކުއްޖަކު ޕޮޒިޓިވްވެ ކުޅުދުއްފުށީ މޮނިޓަރިންގއަށް ލައިފި

ކުޅުދުއްފުށީ ރީޖަނަލް ހޮސްޕިޓަލްގެ ފުލޫ އޯޕީޑީއަށް ދެއްކި ކުއްޖަކު ކޮވިޑް-19 އަށް ޕޮޒިޓިވްވެ ކުޅުދުއްފުށީ ސިޓީ މޮނިޓަރިންގއަށް ލައިފި އެވެ.

ބަލީގެ އަލާމްތައް ހުރެގެން ފުލޫ އޯޕީޑީއަށް ދެއްކުމުން ޕޮޒިޓިވްވެފައިވާކަން އެންގިފައިވަނީ 13 އަހަރުގެ ކުޑަކުއްޖެކެވެ.

ކުޅުދުއްފުށީ މިވަގުތު މޮނިޓަރިންގެ ހާލަތަށްލައިފައިވާތީ ރާށުގައި މިވަގުތު ތިބި އެއްވެސް މީހަކު ހެލްތް ޕުރޮޓެކްޝަން އެޖެންސީ (އެޗްޕީއޭ)އިން ވަކި ގޮތެއް އަންގަންދެން ރަށުން ފޭބުމާއި އެ އެޖެންސީގެ ހުއްދަ ނެތި ކުޅުދުއްފުއްޓަށް އެރުން ވަނީ މަނާކޮށްފަ އެވެ.

ނަމަވެސް ސިއްހީ ފަރުވާ ހޯދުމަށް ކުޅުދުއްފުއްޓަށް ދަތުރުކުރަން ބޭނުންވާ ފަރާތްތަކުން އަމަލު ކުރާނީ 5 ޖުންގައި ސިއްހީ ބޭނުންތަކަށް އެއްރަށުން އަނެއްރަށަށް ދަތުރުކުރުމާ ގުޅޭ ސާކިއުލާއާއި އެއްގޮތަށް ކަމަށް ކުޅުދުއްފުށީ ސިޓީ ކައުންސިލުން އަންގަ އެވެ.