ބީއެމްއެލްގެ ފައިދާ 38 ޕަސެންޓް އިތުރުވެއްޖެ

އަހަރުގެ ދެވަނަ ކުއާޓާގައި ބީއެމްއެލްގެ ފައިދާއަށް 38 ޕަސެންޓްގެ ކުރިއެރުމެއް ލިބިއްޖެ އެވެ. އެ ކުންފުންޏަށް ފައިދާ އިތުރުވީ ކޮވިޑްގެ ދަތިކަމަށް ފަހު އެކި ދާއިރާތަކުން ލޯނު ފައިސާ ފުރިހަމައަށް ލިބެން ސަބަބުންނެވެ.

ބީއެމްއެލްގެ ކުއާޓާލީ ރިޕޯޓުގައިވާ ގޮތުން މިދިޔަ ކުއާޓާގައި އެކުންފުންޏަށް 496 މިލިއަން ރުފިޔާގެ ފައިދާއެއް ވަނީ ލިބިފަ އެވެ. އަދި ޓެކްސްއަށް ކެނޑުމަށް ފަހު ސާފު ފައިދާގެ ގޮތުގައި 299 މިލިއަން ރުފިޔާ ލިބިފައިވެ އެވެ.

ފުރަތަމަ ކުއާޓާގައި ވެސް ބީއެމްއެލްއަށް ވަނީ މާލީ ގޮތުން ބޮޑު ކުރިއެރުމެއް ލިބިފަ އެވެ. ފައިދާގެ ގޮތުގައި 357 މިލިއަން ރުފިޔާ ލިބުނެވެ. މިއީ މިދިޔަ އަހަރާ އަޅާބަލާއިރު ވުރެ 23 ޕަސެންޓްގެ ކުރިއެރުމެކެވެ.