ކުޅުދުއްފުށިން އިތުރު ދެ މީހަކު ޕޮޒިޓިވްވެ އެކްޓިވް ކޭސްތަކުގެ އަދަދު 44 އަރައިފި އެވެ. ކުޅުުދުއްފުށީ ރީޖަނަލް ހޮސްޕިޓަލުން ބުނީ ފަހުން ޕޮޒިޓިވްވެފައިވަނީ ރޭންޑަމް ސާމްޕަލަކާއި ކުރިން ޕޮޒިޓިވްވި ފަރާތަކާއި ކޮންޓެކްޓުވި ފަރާތެއްކަމަށެވެ.
ކުޅުދުއްފުށިން މިމަހު 24 ވަނަ ދުވަހު މޮނީޓަރިންގެ ހާލަތަށް ގެނެސްފައިވަނީ ފުލޫ އޯޕީޑީއަށް ދެއްކި 13 އަހަރުގެ ކުއްޖަކު ކޮވިޑަށް ޕޮޒިޓިވްވުމާއި ގުޅިގެންނެވެ.
ރޭގެވެސް ކުޅުދުއްފުށިން ވަނީ 8 ސާމްޕަލެއް ޕޮޒިޓިވްވެފަ އެވެ. އޭގެ ތެރެއިން ދެ ސާމްޕަލްއަކީ ރެންޑަމް ސާމްޕަލެކެވެ. ބާކީ 6 ސާމްޕަލަކީ ކޮންޓެކްޓް ޓްރޭސިންގެ ތެރެއިން ޕޮޒިޓިވްވެފައިވާ ސާމްޕަލްތަކެވެ
ކުޅުދުއްފުށިން ޕޮޒިޓިވް ކޭސްތަކާ ގުޅިގެން މިވަގުތު ޖުމްލަ 61 ގެއެއް ވަނީ ކަރަންޓީނުކޮށްފަ އެވެ. ކޭސްތަކާއި ގުޅިގެން 204 މީހަކު މި ވަގުތު ކަރަންޓީނުގައި އެބަތިއްބެވެ. ކުޅުދުއްފުށި މޮނިޓަރިންނަށް ލާފައިވާ މި ދަނޑިވަޅުގައި ރަށަށް އަރާ ފޭބުން ވަނީ މަނާކޮށްފަ އެވެ. މިހާރުވެސް ކޭސްތަކާއި ގުޅިގެން ކޮންޓެކްޓް ޓްރޭސިންގެ މަސައްކަތް ދަނީ ކުރަމުންނެވެ.
ކޭސްތަކުގެ އަދަދު މަތިވަމުން ދާއިރު، ހުރިހާ ރައްޔިތުން ރައްކާތެރިކަމުގެ ފިޔަވަޅުތަކާއެކު އުޅުމަށް ހޮސްޕިޓަލުގެ އިތުރުން ކައުންސިލުން ވެސް ވަނީ އިލްތިމާސް ކޮށްފަ އެވެ. އެގޮތުން މާސްކު އެޅުމާއި، ސައިބޯނި ލައިގެން ގިނަގިނައިން އަތް ދޮވުމާއި، ކޮންޓެޓްކް ބަބްލް ކުޑަ ކުރުމަށް މަސައްކަތް ކުރުމަށްވަނީ އެދިފަ އެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
