ވެކްސިން ފުރިހަމަނުކޮށް ސްކޫލުތަކަށް ވަނުން މަނާކޮށްފި

އަންނަ ސެޕްޓެމްބަރު މަހުގެ އެއްވަނަ ދުވަހުން ފެށިގެން ކޮވިޑް-19 ވެކްސިން ފުރިހަމަ ނުކުރާ ފަރާތްތަކަށް ސްކޫލްތަކަށް ވަނުން މަނާވާނެކަމަށް އެޑިއުކޭޝަން މިނިސްޓްރީން ނެރުނު އިއުލާނެއްގައި ބުނެފި އެވެ.

މިއީ ދަރިވަރުންގެ ކިޔެވުން ހުއްޓުމެއްނެތި ކުރިއަށް ގެންދިޔުމުގެ ގޮތުން އަޅާ ފިޔަވަޅެއްކަމަށް އެޑިއުކޭޝަން މިނިސްޓްރީން ނެރުނު އިއުލާނުގައިވެ އެވެ.

އެޑިއުކޭޝަންގެ އިއުލާނުގައި އިތުރަށް ބުނެފައިވަނީ ސުކޫލުތަކަށް ވަދެ ނުކުތުން މަނާކުރާނީ ވެކްސިން ޖެހޭ އުމުރުފުރައިގެ ވެކްސިން ފުރިހަމަނުކޮށް ތިބި ފަރާތްތައް އެކަނި ކަމަށާއި 1 ސެޕްޓެމްބަރުގެ ފަހުން ސްކޫލްތަކަށް ވަނުމުގެ ހުއްދަ ދޭނީ ވެކްސިންގެ ދެ ޑޯޒް ފުރިހަމަ ކޮށްފައިވާ ފަރާތްތަކަށް އެކަނި ކަމަށެވެ.

ދަރިވަރުންގެ ރައްކާތެރިކަމަށްޓަކައި ހުރިހާ ފަރާތްތަކުންވެސް ވެކްސިންގެ ދެ ޑޯޒު ވީހާވެސް އަވަހަށް ޖެހުމަށް އެޑިއުކޭޝަން މިނިސްޓްރީން ވަނީ އިލްތިމާސްކުރައްވާފަ އެވެ.