އުރީދޫ އަތޮޅު ދުވުން ހާއްސަ އިނާމުތަކަކާއެކު

އުރީދޫގެ އަތޮޅު ދުވުމުގައި ބައިވެރިވާ ފަރާތްތަކުގެ ފޮޓޯ އާއި މެޑަލް ޝޯޝަލް މީޑިއާގައި ހިއްސާކޮށްގެން ހިނާމު ލިބޭގޮތަށް ކުރިއަށް އެބަދެއެވެ.

އެގޮތުން OoredooAtholhuDhuvun# މި ހޭޝްޓެގާއެކު އުރީދޫ ޓެގްކޮށް ސޯޝަލް މީޑިއާއަށް ޕަބްލިކް އެކައުންޓެއް މެދުވެރިކޮށް ފޮޓޯތައް ހިއްސާކުރަމުން ގެންދިއުމަށް އުރީދޫއިން ވަނީ އެދިފައެވެ.

މިދިޔަ އަހަރުން ފެށިގެން ކުރިއަށް ގެންދާ އުރީދު އަތޮޅު ދުވުމަކީ އެކުންފުނީގެ އަހަރީ ދުވަހާ ދިމާކޮށް ކުރިއަށް ގެންދާ ހަރަކާތެކެވެ.

އަތޮޅު ދުވުމުގެ ފޮޓޯ ހިއްސާކޮށްގެން ހޮވޭ ދެ ނަސީބު ވެރިއަކަށް މަމަކް އިން ކެއުމެއް ލިބޭ އިރު މެޑަލް ހިއްސާ ކުރާ ފަރާތްތަކުގެ ތެރެއިން ނަސީބު ދިމާވާ ތިން ފަރާތަކަށް ރޭޖް-ހިޓް ޖިމުން އެއް މަހުގެ މެންބާޝިޕް ހިލޭ ލިބެއެވެ.