މިދިޔަ އޮގަސްޓުމަހު ރާއްޖެއައި ފަތުރުވެރިންގެ އަދަދު 2019 ގެ އޮގަސްޓުމަހަށް ވުރެ 3.1 ޕަސެންޓް އިތުރުވެފައިވާކަމަށް ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކައިފި އެވެ.
އޮގަސްޓްމަސްވެފައިވަނީ އަހަރުގެ މިހާތަނަށް އެއް މަހެއްގެތެރޭ އެންމެ ގިނަ ޢަދަދަކަށް ފަތުރުވެރިން ރާއްޖެއަށް އައި މަަހަށެވެ. އެގޮތުން މިއަހަރުގެ އޮގަސްޓުމަހު ރާއްޖެއަށް 143،599 ފަތުރުވެރިން ވަނީ ޒިޔާރަތްކޮށްފައެވެ. ކޮވިޑްގެ ކުރިން 2019ވަނަ އަހަރުގެ އޮގަސްޓްމަހު ރާއްޖެއައީ 139،338 ފަތުުރުވެރިންނެވެ.
ތަފާސްހިސާބުތަށް ދައްކާގޮތުން މިއަހަރުގެ ޖެނުއަރީ މަހު ރާއްޖެއަށް ޒިޔާރަތްކޮށްފައިވަނީ 92،103 ފަތުރުވެރިންނެވެ. ފެބްރުއަރީމަހު 96،882 ފަތުރުވެރިން ޒިޔާރަތްކޮށްފައިވާއިރު މާޗް މަހު ރާއްޖެ އައީ 109،585 ފަތުރުވެރިންނެވެ. އަދި އޭޕްރިލް މަހު 91،200 ފަތުރުވެރިން އައިސްފައިވާއިރު މެއިމަހު ވަނީ 64،613 ފަތުރުވެރިންވަނީ އައިސްފައެވެ.
ޖޫންމަހުގެ ތެރޭގައި ރާއްޖޭގެ ކޮވިޑްގެ ހާލަތު ގޯސްވުމުން ފަތުރުވެރިން އައި އަދަދުވަނީ ދަށްވެފައެވެ. އެގޮތުން ޖޫންމަހު ރާއްޖެއަށް އައިސްފައިވަނީ 56،166 ފަތުރުވެރިންނެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
