ގްރީޒްމަންގެ ދެލަނޑާއެކު ފްރާންސްއިން 5 މެޗަށްފަހު މެޗަކުން މޮޅުވެއްޖެ

ގްރީޒްމަންގެ ދެލަނޑާއެކު ފްރާންސްއިން 5 މެޗަށްފަހު މެޗަކުން މޮޅުވެ މޮޅުނުވުމުގެ ރެކޯޑް ނިމުމަކަށް ގެނެސްފި އެވެ.

އިއްޔެ ކުޅެވުނު މެޗުގައި ފްރާންސުން ވަނީ 2 - 0 ން ފިންލޭންޑް ބަލިކޮށްފަ އެވެ.

އެންމެފަހުން ބޭއްވި ވޯލްޑްކަޕްގެ ޗެމްޕިއަން ފްރާންސްއިން އެންމެފަހުން ކުޅުނު ކޮލިފައިންގެ ދެމެޗުން ވަނީ ޔޫކްރޭނާ ބޮސްނިއާ-ހެޒެގޮވީނާއާ އެއްވަރުވެފަ އެވެ.

ފްރާންސް މޮޅުވާނެކަން ގްރީޒްމަން ޖެހި ފުރަތަމަ ގޯލާއެކު މިމެޗުގައި ކަށަވަރުވި އެވެ. ފުރަތަމަހާފުގައި ފިންލޭންޑްގެ ގޯލު އޭނާ ހުޅުވާލިއިރު ދެވަނަ ހާފުގެ ވަރަށް ކުރީކޮޅު ދެވަނަ ލަނޑެއް ޖަހާ ގްރީޒްމަން ވަނީ ލީޑު ފުޅާކޮށްދީފަ އެވެ.

ގްރީޒްމަން ވަނީ ޓްރާސްފާ މާކެޓްގެ ޑެޑްލައިން ޑޭގައި ބާސާދޫކޮށްލޯނު އެއްބަސްވުމެއްގެ ދަށުން އެނބުރި އެތްލެޓިކޯއަށް ބަދަލުވެފަ އެވެ.

ފްރާންސް މިވަގުތު އޮތީ ކޮލިފައިންގެ ގްރޫޕް ޑީގެ އެއްވަނައިގައި 6 މެޗުން ހޯދި 12 ޕޮއިންޓާއެކު އެވެ.