އެނބުރި އަންނަން މިހާރު މާ ލަސްވެއްޖެ: ބޮލްޓް

އެތްލެޓިކްސްގެ ތެރެއަށް އެނބުރި އަންނަން މިހާރު މާ ލަސްވެއްޖެ ކަމަށް 8 ފަހަރުގެ އޮލިމްޕިކްސް ޗެމްޕިއަން ޔުސޭން ބޮލްޓް ބުނެފި އެވެ.

އުމުރުން 35 އަހަރުގެ ޖެމެއިކާއަށް އުފަން ބޮލްތް އޭނާގެ ތްރެކް އެންޑް ފީލްޑްގެ ކެރިއަރު ނިންމާލީ 2017 ވަނަ އަހަރު އެވެ.

އޭނާ ބުނީ އޭނާ ހުރީ ޓޯކިއޯ އޮލިމްޕިކްސްއާއެކު އެނބުރި އައުމާ ވަރަށް ގާތުގައި ކަމަށެވެ. ނަމަވެސް އޭނާގެ ކޯޗުގެ ނިންމުމާ އެއްގޮތަށް އަމަލުކުރުމަށް އޭނާ އެނބުރި ނައީ ކަމަށެވެ.

ބީބީސީ ނޫހަށް ބޮލްޓް ބުނިގޮތުގައި މިހާރު އަންނަން މާ ލަސްވެއްޖެ ކަމަށެވެ. އެނބުރި އަންނަން ހުރިނަމަ އޮލިމްޕިކްސްއަށް އެނބުރި އައީސް ކަމަށެވެ.

"އަހަރެން ކޯޗު ކައިރީގައި އަހަރެން ރިޓަޔާ ކުރާ ވާހަކަ ބުނުމުން އޭނާ ބުނީ ރިޓަޔާ ކުރުމުން އެއްކޮށް އެކަން އެނިމުނީ ކަމަށެވެ. އެނބުރި އައުމެއް ނޯންނާނެކަމަށެވެ. އެހެންކަމުން ރެޑީވުމުން ރިޓަޔާ ކުރުމަށް އޭނާ ބުންޏެވެ." ބޮލްޓް ބީބީސީއަށް ބުނެފައިވެ އެވެ.

ބޮލްޓް އިތުރަށް ބުނީ 2019 ވަނަ އަހަރު ކޯޗު ކައިރިއަށް އެނބުރި އަންނަ ވާހަކަ ދައްކަން ދިޔަ ކަމަށާއި އެކަމާ ބެހޭގޮތުން އެހުމުން ކޯޗު އޭނާއާ ދިމާލަށް ބަލާލާފައި ބުނީ ތިޔަ ވާހަކަ ނުފެށުމަށެވެ.

ބޮލްޓް ބުނީ އެނބުރި ނައިކަމުގައިވީ ނަމަވެސް އަދިވެސް އައުމަށް ކޮންމެވެސް ވަރަކަށް ބޭނުން ކަމަށެވެ.