ދިވެހި ސަރުކާރާއި ދިވެހި އެންމެހާ ރައްޔިތުން މިތިބީ ފަލަސްޠީނު ރައްޔިތުންނާއެކު ކަމަށާއި، ފަލަސްޠީނުގެ މިނިވަން ދައުލަތަކަށް ވަކާލާތުކުރުމުގައި ދިވެހިން އަބަދުވެސް ދެމިތިބޭނެކަމުގައި އދ އާންމު މަޖިލީހުގައި ތަގުރީރު ކުރައްވަމުން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވިދާޅުވެއްޖެއެވެ.
އާންމު މަޖިލީހުގެ ޖަލްސާގައި ރާއްޖެއިން ފަލަސްތީނުގެ މިނިވަން ދައުލަތަކަށް ވަކާލާތު ކުރުމާއި ގުޅިގެން އެ ގައުމުން ވަނީ ދިވެހި ރައްޔިތުންނަށް ޝުކުރު އަދާކޮށްފަ އެވެ.
ފަލަސްތީނުގެ ދިފާއުގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ދެއްކެވި ވާހަކަފުޅަށް ފަލަސްތީނު ސަރުކާރުން ވަނީ އުފަލާއެކު މަރުހަބާ ދަންނަވާފައެވެ.. އަދި އދގެ އާއްމު މަޖިލީހުގައި ތަގުރީރުކުރައްވަން ރައީސް ސާލިހުއަށް ލިބިވަޑައިގަތް ފުރުސަތުގައި ފަލަސްތީނުގެ ބިންތައް ފޭރިގަނެގެން، ފަލަސްތީނުގެ ރައްޔިތުންނަށް ދެމުންދާ ނުހައްގު އަނިޔާތަކާއި ދެކޮޅަށް ވަކާލާތު ކުރެއްވީތީ ފަލަސްތީނުގެ ސަރުކާރުން ވަނީ ޝުކުރު އަދާކޮށްފައެވެ.
#LIVE: The high-level General Debate starts today 21 Sept. at @UN. The President of the Republic of #Maldives @MVPMNY @foreignMV uses his platform to address the unjust and illegal #occupation of #Palestine. When will our time come for freedom? Thank you Maldives. #UNGA #UNGA76 pic.twitter.com/46WcI7owGG
— State of Palestine (@Palestine_UN) September 21, 2021
ފަލަސްޠީނުގެ އިތުރުން އެމަނިކުފާނު ވަނީ ދެކުނު އޭޝިއާގެ އަވަށްޓެރި ޤައުމެއްގެ ހައިސިއްޔަތުން އަފްޣާނިސްތާނުގެ މިއަދުގެ ޙާލަތާ މެދު ކަންބޮޑުވުން ފާޅުކުރައްވާފައެވެ. މިގޮތުން، އަފްޣާނިސްތާނުގެ ރައްޔިތުންގެ ރައްކާތެރިކަން ކަށަވަރުވާން ޖެހޭކަމުގައި ވިދާޅުވެ، މިކަން ކަށަވަރުކުރުމަށްޓަކައި އެޤައުމުގެ ރައްޔިތުން އިންތިޚާބުކުރާ ސަރުކާރެއް އަފްޣާނިސްތާނުގައި އޮތުން މުހިންމު ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.
