ފެނަކަ ސީއެސްއާރުގެ ދަށުން ވާދޫ ސްކޫލުގައި ހަދާ ނަމާދު ގެ ބޮޑުބައި ނިމިއްޖެ

ފެނަކަ ކޯޕަރޭޝަން ލިމިޓެޑްގެ ސީއެސްއާރްގެ ދަށުން ރ. ވާދޫ ސްކޫލުގައި އިމާރާތްކުރާ ނަމާދު ކުރުމަށް ހާއްސަ ކޮޓަރީގެ މަސައްކަތް ބޮޑުބައި ނިމިފައިވާކަމަށާއި އެ އިމާރާތް ވަރަށް އަވަހަށް ނިންމާލެވޭނެ ކަމަށް އެ ކުންފުނިން ބުނެފިއެވެ.

ފެނަކައިން ބުނީ އެ ނަމާދު ކޮޓަރީގެ މައިގަނޑު ސްޓްރަކްޗާގެ މަސައްކަތް މިހާރު ހުރީ ނިމިފައި ކަމަށެވެ. އަދި މިހާރު ކުރިއަށް ދަނީ ފިނިޝިންގ މަސައްކަތްތައް ކަމަށެވެ. މި އަހަރުގެ ޖޫން މަހު ފެށި އެ ޕްރޮޖެކްޓުގެ މަސައްކަތްތައް އަންނަ މަހުގެ ކުރީކޮޅު ނިންމާލެވޭނެ ކަމަށް އެކުންފުނިން ބުނެ އެވެ.

ވާދޫ ސްކޫލުގައި ނަމާދު ކޮޓަރިއެއް އިމާރާތް ކުރުމަކީ އެ ސްކޫލުގެ ދަރިވަރުންނާއި، ބެލެނިވެރިންގެވެސް ވަރަށް ބޮޑު އުންމީދެކެވެ.

ފެނަކައިން ބުނީ، އެފަދަ ސީއެސްއާރް ޕްރޮޖެކްޓުތަކުގެ ޒަރީއާއިން މުޖުތަމައުއަށް ހިދުމަތް ކޮށްދިނުމަކީ ފެނަކައަށް ލިބޭ އުފަލެއް ކަމަށެވެ.