ކޮމިޓީތަކުގެ މަސައްކަތްތައް އަވަސްކޮށްދިނުމަށް އަނެއްކާވެސް އެދިވަޑައިގެންފި

Oct 4, 2021

ރައްޔިތުންގެ މަޖިލީހުގެ ކޮމިޓީ ތަކުގައި ގިނަ މަސައްކަތްތަކެއް ފުނިޖެހިފައިވާތީ މަސައްކަތްތައް އަވަސް ކޮށްދިނުމަށް މަޖިލީހުގެ ނައިބު ރައީސް އީވާ އަބްދުﷲ އަނެއްކާ ވެސް އެދިވަޑައިގެންފި އެވެ.

އީވާ ވިދާޅުވީ ކޮމިޓީތަކުގައި މިހާރުވެސް 32 ބިލެއް ދިރާސާ ކުރުމުގެ މަސައްކަތް ކުރަމުންދާ ކަމަށެވެ. އެ ބިލްތައް އެންމެ ލަސްވެގެން ކުރިއަށް އޮތް ނޮވެމްބަރު މަހުގެ ނިޔަލަށް ފާސްކުރަންޖެހޭ ކަމުގައިވެސް ވިދާޅުވި އެވެ.

އީވާ މިކަމަށް އެދިވަޑައިގެންނެވީ ސަރުކާރުގެ ފަރާތުން ތިނަދޫ އުތުރު ދާއިރާގެ މެންބަރު އަބްދުލްމުޣުނީ ހުށަހަޅުއްވާފައިވާ ހެއްކާ ބެހޭ ބިލްގެ ބަހުސް ކުރިއަށް ގެންދިއުމަށްފަހު ބިލް މަޖިލީހަށް ބަލައިގަނެ ކޮމިޓީއަށް ފޮނުވުމަށް މިއަދު ފާސްކުރުމާ ގުޅިގެން ދެއްކެވި ވާހަކަފުޅުގަ އެވެ.

މިލިޔުމާއި ގުޅޭ