ނައިބު ރައީސް ފައިސަލް ނަސީމް ހޮސްޕިޓަލުގައި އެޑްމިޓްކޮށްފި

ނައިބު ރައީސް ފައިސަލް ނަސީމްގެ ސިއްހީ ހާލުކޮޅު ގޯސްވެ ދަރުމަވަންތަ ހޮސްޕިޓަލުގައި އެޑްމިޓުކޮށްފިއެވެ.

މި އަހަރު ފެބްރުއަރީ މަހުގެ ތެރޭގައިވެސް ހުންއައިސް ނައިބު ރައީސްގެ ސިއްހީ ގޮތުން ހާލުކޮޅު ގޯސްވެ ވަނީ ހޮސްޕިޓަލުގައި އެޑްމިޓްކޮށްފައެވެ.

އޮންލައިން ނޫސް "ސަން"އަށް ދެއްވި އިންޓަވިއުއެއްގައި ރައީސް އޮފީހުގެ ތަރުޖަމާނު މަބްރޫކް އަޒީޒް ވިދާޅުވީ ނައިބު ރައީސްގެ ހާލުކޮޅު ސީރިއަސް ނޫން ނަމަވެސް ހާލަތު އެންމެ ރަނގަޅުކަމުގައި ނުވުމާއެކު އިއްޔެ އެޑްމިޓްކޮށްފައިވާ ކަމަށެވެ. ނަމަވެސް އެއީ ކޮވިޑު ނޫންކަމަށް މަބްރޫކް ވިދާޅުވިއެވެ.