ރައީސްގެ ދައުވަތަކަށް އދ.ގެ އާންމު މަޖިލީހުގެ ރައީސް އަބްދުﷲ ޝާހިދު ރާއްޖެ ވަޑައިގެންފި

ރައީސް އިބްރާހީމް މުހައްމަދު ސާލިހްގެ ދައުވަތަކަށް ކުރައްވާ ދަތުރުފުޅެއްގައި އދ.ގެ އާންމު މަޖިލީހުގެ ރައީސް އަބްދުﷲ ޝާހިދު ރާއްޖެ ވަޑައިގެންފި އެވެ.

އެއާޕޯޓުން އެމަނިކުފާނަށް މަރުހަބާ ދެންނެވީ ޓޫރިޒަމް މިނިސްޓަރ ޑރ. އަބްދުﷲ މައުސޫމާއި ރައީސް އޮފީހުގެ ޗީފް އޮފް ސްޓާފް އަލީ ޒާހިރާއި އަދިވެސް ސަރުކާރުގެ ބައެއް މިނިސްޓަރުންނެވެ.

މިދަތުރުފުޅުގައި އިސްކަންދަރު ސްކޫލުގެ ދަރިވަރުންނާއިވެސް ބައްދަލުކުރުމަށް ހަމަޖެހިފަވާއިރު ޑިފެންސް މިނިސްޓަރ އަދި ރައްޔިތުންގެ މަޖިލީހުގެ ނާއިބު ރައިސް އީވާ އަބްދުﷲއާ ވެސް ޝާހިދު ބައްދަލު ކުރެއްވުމަށް ވަނީ ހަމަޖެހިފަ އެވެ.

އދ. ގެ އާންމު މަޖިލީހުގެ ރައީސްގެ މަގާމާ ހަވާލުވެ ވަޑައިގަތުމަށް ފަހު ކޮންމެ ބޭފުޅަކު ވެސް އެންމެ ފުރަތަމަ ރަސްމީ ދަތުރެއް ކުރައްވާނީ އެ ބޭފުޅެއްގެ އަމިއްލަ ގައުމަށެވެ.

މިދަތުރުފުޅަކީ މިއަދުން ފެށިގެން ހޮނިހިރު ދުވަހުގެ ނިޔަލަށް ކުރައްވާ ރަސްމީ ދަތުރުފުޅެކެވެ.