ކޮރަލް ފުޓްސަލް ކަޕް ޑިސެމްބަރުގައި

ކުލަބް ކޮރަލްސްއިން ބާއްވަމުން އަންނަ ކޮރަލް ފުޓްސަލް މި އަހަރު ބާއްވާ ތާރީހް އިއުލާނުކޮށްފި އެވެ.

ވޭތުވެ ދިޔަ އަހަރުތަކާ އެއްގޮތަށް މި އަހަރު ވެސް ކޮރަލް ކަޕް 2021/22 ޑިސެންބަރު 24 ވަނަ ދުވަހު ފެށުމަށް ހަމަޖެހިފައިވާކަން ހާމަކޮށް އެކުލަބުން އިއުލާން ނެރެފި އެވެ. އެކުލަބުން ބުނިގޮތުގައި މުބާރާތުގައި ބައިވެރިވުމުގެ ޤަވާއިދު ވަރަށް އަވަހަށް އާންމު ކުރެވިގެންދާނެ އެވެ.

މުބާރާތުގެ ކޯޑިނޭޓަރ ސިރާޖު މުހައްމަދު ކޭއޯއަށް މައުލޫމާތުދެއްވި ގޮތުގައި މިމުބާރާތުގައި ބައިވެރިވުމަށް ހުޅުވާލެވޭ ތާރީހު ފަހުން އިއުލާނު ކުރާނެ ކަމަށެވެ. އަދި މިމުބާރާތް މިފަހަރު ކުރިއަށްގެންދިއުމަށް ހަމަޖެހިފައިވަނީ ކުޅުދުއްފުށީ ޒޯން ސްޓޭޑިއަމްގެ ޓާފް ދަނޑުގައި ކަމަށް އޭނާ ބުނެފައިވެ އެވެ.

މި އަހަރުގެ މުބާރާތަކީ ވެސް ވަރަށް ކާމިޔާބު މުބާރާތަކަށް ވާނެ ކަމަށް އުއްމީދުކުރާ ކަމަށް ކުލަބް ކޮރަލްސްއިން ބުނެ އެވެ.