އެމްއެންޑީއެފްގެ ޕައިލެޓުން ފުރަތަމަ ފަހަރަށް ޑޯނިއާ މަތިންދާ ބޯޓު ދުއްވަން ފަށައިފި

ޑޯނިއާ މަތިންދާ ބޯޓު ފުރަތަމަ ފަހަރަށް ދިވެހި ސިފައިންގެ ޕައިލެޓުން ދުއްވަން ފަށައިފިއެވެ. ޑޯނިއާ އެއާކްރާފްޓްތަކަކީ މިދިޔަ އަހަރު ސެޕްޓެމްބަރު މަހު އިންޑިޔާއިން ރާއްޖެއަށް ހަދިޔާކޮށްފައިވާ އެއާކްރާފްޓް ތަކެކެވެ.

ޑޯނިއާ ދުއްވުމަށް 2017 ވަނަ އަހަރުން ފެށިގެން ދިވެހި ޕައިލެޓުން ދަނީ ތަމްރީނު ކުރަމުންނެވެ. ސިފައިންގެ މޭޖާ ޖެނަރަލް އަބްދުالله ޝަމާލް ކުރެއްވި ޓްވީޓެއްގައި ވިދާޅުވީ, އެމްއެންޑީއެފްގެ ޕައިލެޓުން ފުރަތަމަ ފަހަރަށް ޑޯނިއާ އެއާކްރާފްޓް ދުއްވަން ފަށާފައިވާ ކަމަށާއި އެއީ ތާރީހީ ކަމެއް ކަމަށެވެ.

In a ceremony held today, the @CDFofMNDF presented the aviation squadron badge to MNDF pilots.

The pilots of the Coast Guard Aviation Squadron will be commencing their flying duties on the MNDF Dornier from today onwards. pic.twitter.com/025dMEJVst

— Maldives National Defence Force (@MNDF_Official) November 9, 2021

މިއަދު ޑޯނިއާ އެއާކްރާފްޓް ދުއްވަން ފެށި ދެ ޕައިލެޓުންނަކީ ފަސްޓް ލެފްޓިނެންޓް އިބްރާހިމް ޝަރީފާއި ލެފްޓިނެންޓް އަހްމަދު އަލީ އެވެ. އެމްއެންޑީއެފުން ބުނީ, އަސްކަރީ އުޅަނދެއް ދުއްވޭނީ އޮފިސަރުންނަށް އެކަނި ކަމަށާއި އެހެން ކަމުން ޑޯނިއާ އެއާކްރާފްޓް ދުއްވުމަށް އޮފިސަރު ޓްރެއިނިންގެ އިތުރުން އެއާފޯސް ތަމްރީން ހެދުމަށް ޖުމްލަ ތިން އަހަރު ހޭދަކުރަން ޖެހޭ ކަމަށެވެ.

ޑޯނިއާ އެއާކްރާފްޓް ފުރަތަމަ ފަހަރަށް ދިވެހި ޕައިލެޓުން ދުއްވި ނަމަވެސް ހެލިކޮޕްޓަރުތައް ދުއްވަނީ އަދިވެސް އިންޑިއާ ސިފައިންނެވެ.