އުރީދޫއިން ބިދޭސީންނަށް ހާއްސަކޮށްގެން ކްރިކެޓް މުބާރާތެއް ބާއްވަނީ
އުރީދޫއާއި މޯލްޑިވްސް ކްރިކެޓް އެސޯސިއޭޝަންގެ އިތުރުން މޯލްޑިވްސް މިޝަން ފޯ މައިގްރޭންޓް ވޯކާޒް (އެމްއެމްޑަބްލިއު)އާ ގުޅިގެން ބިދޭސީ މަސައްކަތްތެރިންނަށް ބައިވެރިވެވޭނޭ އުސޫލަކުން ބިދޭސީންނަށް ހާއްސަކޮށްގެން ކްރިކެޓް މުބާރާތެއް ބާއްވަން ނިންމައިފި އެވެ.
މިމުބާރާތް ބާއްވަން ނިންމީ މާދަމާ އެމްއެމްޑަބްލިއުގެ އެއްވަނަ އަހަރީ ދުވަސް ފާހަގަކުރުމުގެ ގޮތުންނެވެ. އަދި މިއީ ބިދޭސީ މަސައްކަތްތެރިންގެ ފަރާތުން މުޖުތަމައުއަށް ލިބޭ އެހީ ފާހަގަކޮށް އެ މީހުންގެ މަސައްކަތް ބަލައިގަނެ އެމީހުންގެ މަސައްކަތުގެ އަގު ވަޒަންކޮށް ހިތްހަމަ ޖައްސަައިލުމަށް ވަގުތުކޮޅެއް ފަހިކޮށްދިނުމުގެ ބޭނުމުގައި ކުރިއަށް ގެންދާ މުބާރާތެކެވެ.
މި މުބާރާތުގައި ބިދޭސީ މަސައްކަތްތެރިން ބައިވެރިވުމަށްޓަކައި 20 މީހުންގެ ޓީމެއް ހަމަކޮށްފިނަމަ މުބާރާތުގައި ބައިވެރިވެ އަދި މުބާރާތުގައި ވާދަކުރުމުގެ ފުރުސަތު ލިބިގެންދާނެ އެވެ.
މި މުބާރާތް ކުރިއަށްދާނީ އެކުވެނި ސްޓޭޑިއަމްގައި އެވެ. އަދި މުބާރާތް ކުރިއަށްދާ ވަގުތު ސްޓޭޑިއަމް ވަށައިގެން އޮންނަ ސަރަހައްދުގައި ތަފާތު އެކި ސްޓޯލްތައް ބަހައްޓައިފައި ހުންނާނެ އެވެ. އެގޮތުން ބިދޭސީ މަސައްކަތްތެރިންނަށް ހިލޭ ހެލްތު ސްކްރީންކޮށްދިނުމާއި ފޯނު ރަޖިސްޓްރޭޝަންގެ ހިދުމަތްވެސް ލިބިގެންދާނެ އެވެ.
ވިލާކޮލެޖު ކުޅުދުއްފުށީ ކެމްޕަހުގައި ސެޓްފިކެޓް 3 އިން އިލެކްޓްރިކަލް އިންސްޓޮލޭޝަން އެންޑް މެއިންޓަނެންސް ކިޔެވުމުގެ ފުރުސަތު
ގާނޫނީ ބަދަލާއެކު ތެލާއި ގޭހުގެ ބިން ކުއްޔަށް ނުދެވި ކުޅުދުއްފުއްޓަށް ބޮޑު ގެއްލުމެއް
ބީއެމްއެލް ބިޒްނަސް ސެންޓަރު ބިމަށް ފިނޭންސުން ހުއްދަދީފި
ކުޅުދުއްފުށީ ލޯކަލް އޮތޯރިޓީ ކުންފުނީގެ މެނޭޖިންގ ޑިރެކްޓަރުގެ މަގާމަށް ހުޅުވާލައިފި
