ދެކުނު އެފްރިކާގެ ކޮވިޑް ވޭރިއަންޓް ނުރައްކާތެރި: ޑަބްލިޔުއެޗްއޯ

ދެކުނު އެފްރިކާއިން ފެނުނު ކޮވިޑް-19 ގެ އައު ވޭރިއަންޓަކީ ނުރައްކާތެރި ވޭރިއަންޓެއްކަމަށް ދުނިޔޭގެ ސިއްހަތު ޖަމްއިއްޔާ (ޑަބްލިޔު.އެޗް.އޯ) އިން ކަނޑައަޅައިފިއެވެ. މި ވޭރިއެންޓަށް ދީފައިވާ ނަމަކީ "އޮމިކްރޯން" އެވެ.

މި ވޭރިއެންޓް ވަރަށް އަވަހަށް ފެތުރޭ ކަމަށާއި އަދި މިއީ ބައެއް މީހުންނަށް މަރުގެ ބިރުވެރިކަންވެސް އޮތް ވޭރިއަންޓެއްކަން މިހާތަނަށް ކޮށްފައިވާ ރީސާޗް ތަކުން ހާމަވާކަމުގައި އެ ޖަމްއިއްޔާއިން ނެރުނު ބަޔާނުގައި ބުނެފައި ވެއެވެ.

"އޮމިކްރޯން" ގެ ނަންދެވިފައިވާޖެހިފައިވާ އެ ވޭރިއަންޓް ޖެހިފައިވާ 22 މީހުން މިހާތަނަށް ފެނިފައިވާކަމަށްވެސް ދެކުނު އެފްރިކާގެ އާންމު ސިއްހަތާބެހޭ އިދާރާއިން ބުނެފައިވެއެވެ.

ކޮވިޑް-19 ގެ އައު ވޭރިއަންޓާބެހޭގޮތުން ދެކުނު އެފްރިކާގެ ނޭޝަނަލް އިންސްޓިޓިއުޓް ފޯ ކޮމިޔުނިކަބަލް ޑިސީސަސް، (އެންއައިސީޑީ) ބުނެފައިވަނީ އެއީ ކޮވިޑްގެ މިހާތަނަށް އަދި ނުފެންނަހާ ބާރުގަދަ އަދި އަވަހަށް ފެތުރޭ ވޭރިއަންޓެއްކަމަށާ އިންސާނާގެ ހަށިގަނޑުގައިވާ ދިފާއީ ނިޒާމު އެވޭރިއަންޓާ ދެކޮޅަށް މަސައްކަތްކުރާކަން އަދި ފަހަގަކުރެވިފައިނުވާ ކަމުގައެވެ.

މީގެކުރިން މިފަދަ ބާރުގަދަ ވޭރިއަންޓެއް ފެނިފައިވަނީ އިންޑިއާއިންނެވެ. އެއީ "ޑެލްޓާ" ގެ ނަމުން ނަނދީފައިވާ ވޭރިއަންޓެވެ.