ރާއްޖޭގެ 12 ރަށަކަށް ޕްރިންސިޕަލުން ހޯދުމަށް އެޑިއުކޭޝަން މިނިސްޓްރީން އިއުލާންކޮށްފި އެވެ. މިމަހު 25 ވަނަ ދުވަހު ކުރި އިއުލާނުގައި އުތުރުގެ 7 ރަށެއްވެސް ހިމެނެއެވެ.
އެގޮތުން ޕްރިންސިޕަލުން ހޯދުމަށް ކުރި އިއުލާނުގައި ހިމެނޭ އުތުރުގެ 7 ސްކޫލަކީ، ހދ އަތޮޅު ތައުލީމީ މަރުކަޒު، ހިރިމަރަދޫ ސްކޫލް، ނޭކުރެންދޫ ސްކޫލް، ހއ ފިއްލަދޫ ސްކޫލް، ވަށަފަރު ސްކޫލް، ބާރަށު ސްކޫލް، އަދި ށ ގޮއިދޫ ސްކޫލެވެ.
މި މަގާމަށް ކުރިމަތި ލެވޭނެ އެންމެ ދަށް ރޭންކަކީ MS2 އެވެ. އެއީ ޗިން ސަރވިސް އޮފިސަރ 3 ގެ ޝަރުތު ހަމަވުމާއެކު ލީޑިންގ ޓީޗަރުގެ މަޤާމުގައި މަދުވެގެން 2 އަހަރު ދުވަހުގެ ތަޖްރިބާ ލިބިފައިވާ ފަރާތްތަކެވެ. ނުވަތަ ޓީޗިން ސަރވިސް އޮފިސަރ 3 ގެ ޝަރުތު ހަމަވުމާއެކު ސްކޫލް ހިންގުމުގެ ދާއިރާއިން ދިވެހިރާއްޖޭގެ ގައުމީ ސަނަދު ތަކުގެ އޮނިގަނޑު ލެވެލް 4 ނުވަތަ އެއަށްވުރެ މަތީ ސަނަދެއް ހާސިލް ކޮށްފައިވުމާއި އެކު، ކިޔަވައި ދިނުމުގެ ރޮނގުން 2 އަހަރު ދުވަހުގެ ތަޖްރިބާ ލިބިފައިވާ ފަރާތްތަކެވެ.
މަގާމަށް ކުރިމަތިލެވޭނެ އެންމެ މަތީ ރޭންކަކީ EX6 އެވެ. އެއީ ޓީޗިން ސަރވިސް އޮފިސަރ 11 ގެ ޝަރުތު ހަމަވުމާއެކު ލީޑިންގ ޓީޗަރުގެ މަގާމުގައި މަދުވެގެން 2 އަހަރު ދުވަހުގެ ތަޖުރިބާ ލިބިފައިވާ ނުވަތަ ޓީޗިން ސަރވިސް އޮފިސަރ 11 ގެ ޝަރުތު ހަމަވުމާއެކު ސްކޫލް ހިންގުމުގެ ދާއިރާއިން ދިވެހިރާއްޖޭގެ ޤައުމީ ސަނަދު ތަކުގެ އޮނިގަނޑު ލެވެލް 4 ނުވަތަ އެއަށްވުރެ މަތީ ސަނަދެއް ހާސިލްކޮށްފައިވުމާއެކު ކިޔަވައި ދިނުމުގެ ރޮގުން 2 އަހަރު ދުވަހުގެ ތަޖުރިބާ ލިބިފައިވާ ފަރާތްތަކެވެ.
މި ވަޒީފާތަކަށް ކުރިމަތިލުމުގެ ސުންގަޑިއަކީ 2 ޑިސެންބަރު 2021 ވާ ބުރާސްފަތި ދުވަހުގެ 13:30 އެވެ. ވަޒީފާއަށް ކުރިމަތިލާން އެދޭ ފަރާތްތަކުން ވަޒީފާއަށް އެދޭ ފޯމާއި ލިޔުންތައް [email protected]މި އީމެއިލް އެޑްރެހަށް ފޮނުވޭނެ އެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
