މިއަހަރުގެ ތިންވަނަ ކުއާޓަރ ނިމުނުއިރު ރިސޯޓުތަކުގެ އޮކިއުޕެންސީ ރޭޓު އެވްރެޖްކޮށް ހުރީ 61 ޕަސެންޓްގައި ކަމަށް އެމްއެމްއޭއިން ހާމަކުރައްފިއެވެ.
މޯލްޑިވްސް މަނިޓަރީ އޮތޯރިޓީ، އެމްއެމްއޭއިން ޢާއްމުކޮށްފައިވާ ކުއާޓަރލީ އިކޮނޮމިކް ބުލެޓިން ރިޕޯޓުގައިވާގޮތުން މި އަހަރުގެ ދެވަނަވަނަ ކުއާޓަރު ނިމުނުއިރު މި އަދަދު ހުރީ 47 ޕަސެންޓްގައެވެ. އަދި މިދިޔަ އަހަރުގެ ތިންވަނަ ކުއާޓަރގައި ރިސޯޓުތަކުގެ އޮކިއުޕެންސީ ރޭޓް އެވްރެޖްކޮށް ހުރީ %10ގައި ކަމަށް އެމްއެމްއޭގެ ރިޕޯޓުގައިވެއެވެ.
މިއަހަރުގެ ތިންވަނަ ކުއާޓަރ ނިމުނުއިރު ރާއްޖޭގައި 156 ރިސޯޓެއް ވަނީ އޮޕަރޭޝަނަށް ގެނެސްފައެވެ. މިއަހަރުގެ ދެވަނަ ކުއާޓަރ ނިމުނުއިރު މި އަދަދު ހުރީ 154 ގައެވެ. އަދި މިދިޔަ އަހަރުގެ ތިންވަނަ ކުއާޓަރ ނިމުނުއިރު ރާއްޖޭގައި އޮޕަރޭޝަނަށް ގެނެސްފައިވަނީ 87 ރިސޯޓެވެ.
އެމްއެމްއޭގެ ރިޕޯޓުގައިވާގޮތުން، އަހަރުގެ ދެވަނަ ކުއާޓަރާއި އަޅާ ބަލާއިރު ތިންވަނަ ކުއާޓަރުގައި ރާއްޖެއަށް ފަތުރުވެރިން އައި އަދަދަށްވަނީ ބޮޑު ކުރިއެރުމެއް ލިބިފައެވެ. އަދި މިއާއެކު ފަތުރުވެރިން ރާއްޖޭގައި ހޭދަކުރާ ރޭގެ އަދަދަށްވެސް ވަނީ ކުރިއެރުން ލިބިފައެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
