އިންޑިޔާގައި ބާއްވާ ބައިސްކަލް ކޯޗިން ކޯހުގައި ދެ ދިވެހިން ބައިވެރިވެއްޖެ

ސައިކަލް ފެޑަރޭޝަން އޮފް އިންޑިޔާއިން އިންތިޒާމް ކޮށްގެން ބާއްވާ ޔޫނިއަން ސައިކަލިން އިންޓަނޭޝަނަލް ލެވެލް 1 އަދި 2 ގައި ރާއްޖޭން ބައިވެރިވެއްޖެ އެވެ.

މި އިވެންޓްގައި ބައިވެރިވެފައިވަނީ ބައިސިކަލް އެސޯސިއޭޝަން މޯލްޑިވްސް ޖެނެރަލް ސެކްޓެރީ އަސްމާ ހަސަނާއި، މެންބަރު މުހައްމަދު ޝާކިރެވެ. މި އިވެންޓް ކުރިއަށްދަނީ މިމަހު 14 ން 22 ނިއުލިއްދީ ގައެވެ.

ޔޫސީއައިގެ 1 އަދި 2 ގެ ކޯޗިން ކޯސް ކުރިއަށް ދަނީ އިންޑިޔާގެ ޔޫސީއައި ވޯލްޑް ސެޓެލައިޓް ސެންޓަރުގައެވެ. އަދި ސައިކަލިން ކޯޗިން ކޯސް ކުރިއަށް ދަނީ ދިއްލީގައި ހުންނަ އިންދިރާ ގާންދީ ސްޓޭޑިއަމް އެވެ.

މި ހަރަކާތުގައި އޭޝިޔާގެ 10 ގައުމަކުން 15 ފަރާތަކުން ބައިވެރިވެފައި ވެއެވެ. މިއީ މިފަދަ ޓްރެއިނިންއެއްގައި ރާއްޖޭން ބައިވެރިވާ ފުރަތަމަ ފަހަރުކަން ފާހަގަކޮށްލެވެއެވެ.