ކޭއާރުއެޗްގެ އާ އޯޕީޑީ އިމާރާތުގެ މަސައްކަތް ފަށައިފި

ހދ. ކުޅުދުއްފުށީ ރީޖަނަލް ހޮސްޕިޓަލްގެ އާ އޯޕީޑީ އިމާރާތް އެޅުމުގެ އަމަލީ މަސައްކަތް ފަށައިފި އެވެ. ހެލްތް މިނިސްޓްރީ މި މަސައްކަތް ހަވާލުކޮށްފައިވަނީ އެމްޓީސީސީއާ އެވެ.

އެކުންފުނިން މިއަދު ބުނީ މަސައްކަތް އަމަލީ ގޮތުން މިދިޔަ ޑިސެމްބަރު 23 ވަނަ ދުވަހު ފަށާފައިވާނެ ކަމަށެވެ. އެ ކުންފުންޏާއި މި މަސައްކަތް ހަވާލުކޮށްފައިވަނީ 180 ދުވަސް ތެރޭގައި ނިންނާ ގޮތަށް މިދިޔަ އަހަރު ނޮވެންބަރުމަހު 19 ވަނަ ދުވަހު އެވެ.

މިމަޝްރޫއުގެ ދަށުން 21 ކޮންސަލްޓޭޝަން ރޫމާއި، ޕްރޮސީޖަ ރޫމަކާއި، ޓްރީޓްމަންޓް ރޫމަކާއި، އީސީޖީ ރޫމަކާއި، އެކޯ ރޫމެއްގެ އާ ކާޑިއެކް ސެންޓަރަކާއި ރިސެޕްޝަން އަދި ވެއިޓިން އޭރިއާއެއް ހަދާނެ އެވެ.

މިއީ ދައުލަތުގެ ބަޖެޓުން 20.2 މިލިއަން ރުފިޔާ ހަރަދުކޮށްގެން ކުރިއަށް ގެންދާ މަޝްރޫއެކެވެ.