ކުޅުދުއްފުށިން އިތުރު 27 މީހުން ކޮވިޑަށް ޕޮޒިޓިވްވި ޖުމްލަ އަދަދު 135 އަށް އަރާފައިވާކަމަށް ކުޅުދުއްފުށީ ރީޖަނަލް ހޮސްޕިޓަލުން ބުނެފި އެވެ.
ކުޅުދުއްފުށީގެ އަދަދުތައް މަތިވަމުން އަންނަ އިރު މިދިޔަ ހޮނިހިރު ދުވަހުވެސް 33 މީހަކަށް ވަނީ ބަލިޖެހިފައެވެ.
ކުޅުދުއްފުށިން އަލަށް 27 މީހުން ޕޮޒިޓިވްވެފައިވާއިރު، އިއްޔެ 7 މީހުން ވަނީ ބަލިން ރަނގަޅުވެފައެވެ. އެ ސިޓީއިން އަލަށް ޕޮޒިޓިވްވެފައިވަނީ ބަލީގެ އަލާމާތްތައް ހުރެގެން ފްލޫ ކްލިނިކަށް ދެއްކި 2 މީހަކާއި، ކޮންޓެކްޓް ޓްރޭސިންގ ގޮތުގައި ފާހަގަކުރެވުނު 24 މީހެއްގެ އިތުރުން ރާއްޖެއިން ބޭރަށް ދާންވެގެން ސާމްޕަލް ނެގި މީހެކެވެ. އެހެންކަމުން މިވަގުތު ތިބި އެކްޓިވް ކޭސްތަކުގެ އަދަދަކީ 135 އެވެ.
މި ކޭސްތަކާއި ގުޅިގެން ކޮންޓެކްޓުންގެ ގޮތުގައި ފާހަގަކުރެވިފައިވާ 36 މީހަކު ކަރަންޓީންގައި ތިބިއިރު، 21 ގެއެއް މޮނިޓަރިންއަށް ލާފައިވާ ކަމަށް ކޭއާރުއެޗުން ބުންޏެވެ.
އަތޮޅު ފުޓްބޯޅަ މުބާރާތުގައި ނޯތު ރީޖަންގެ 13 ރަށަކުން ބައިވެރިވެއްޖެ
އުރީދޫން ރާއްޖެއަށް ޕޭޕަލް ހިދުމަތް ތައާރަފުކުރަނީ
'ޓެކްނިކަލް' މައްސަލަ ދިމާވެ އާރުޓީއެލް ޒޯން އެކެއްގެ ގިނަ ފެރީތައް މިއަދު ކެންސަލް
ބިލެތްފަހީގައި ތަރައްގީކުރާ އެއާޕޯޓް ނިންމާ 30 މަސްދުވަހުގެ ތެރޭގައި ހުޅުވާނަން: ރައީސް
