އުރީދޫން ޖެންޑާ މިނިސްޓްރީއަށް ޓެބްލެޓް ހަދިޔާކޮށްފި

ޖެންޑާ މިނިސްޓްރީގެ ބެލުމުގެ ދަށުގައި ތިބި ކުދިންނަށް އޮންލައިންކޮށް ކިޔެވުމަށް އެހީވުމަށްޓަކައި އުރީދޫ މޯލްޑިވްސް އިން 10 ޓެބްލެޓް ހަދިޔާކޮށްފިއެވެ.

މި ޓެބްލެޓްތައް ބޭނުންކުރާނީ ދައުލަތުގެ ބެލުމުގެ ދަށުގައި ތިބި ކިޔަވާކުދިންގެ ބޭނުމަށެވެ. ދައުލަތުގެ ބެލުމުގެ ދަށުގައި މިހާރު 194 ކުޑަކުދިން ބަލަހައްޓަމުންދެއެވެ.

މިކަމަށްޓަކައި މިއަދު ޖެންޑާ މިނިސްޓްރީގައި ބޭއްވި ޚާއްސަ ރަސްމިއްޔާތެއްގައި އެ މިނިސްޓްރީގެ ފަރާތުން ޓެބްލެޓްތަކާ ހަވާލުވެލެއްވީ މިނިސްޓަރު އައިޝަތު މުހައްމަދުދީދީއެވެ. އުރީދޫގެ ފަރާތުން ޓެބްލެޓްތައް ހަވާލުކޮށްދެއްވީ ޗީފް ކޮމާޝަލް އޮފިސަރު ހުސައިން ނިޔާޒެވެ.

މި ރަސްމިއްޔާތުގައި ވާހަކަފުޅުދައްކަވަމުން މިނިސްޓަރުވަނީ އުރީދޫގެ ފަރާތުން ވެދިން އެހީތެރިކަމަށް ޝުކުރުއަދާކުރައްވާފައެވެ.