ޔޫކްރޭންގައި ތިބި 15 ދިވެހި ދަރިވަރަކު ޔޫކްރެއިންގެ ބޯޑަރު ހުރަސްކޮށް، މިހާރު ހަންގޭރީއަށް އެތެރެވެފައިވާ ކަމަށް ފޮރިން މިނިސްޓްރީން ބުނެފިއެވެ.
ފޮރިން މިނިސްޓްރީން ބުނީ ހަނގުރާމައިގެ ނުރައްކާ ކުރިމަތިވެ ޔުކްރެއިންގައި ތިބި ދިވެހިންގެ ތެރެއިން އެ ގައުމުގެ ހުޅަނގުގައި އޮންނަ އިވަނޯގައި ތިބި 15 ދަރިވަރަކު ރޭ ހަންގޭރީއަށް ބަދަލުކޮށްފައިވާ ކަމަށާއި މިހާރު އެ ގައުމުގައި ތިބީ 9 ދަރިވަރުން ކަމަށެވެ. އެ 15 ދަރިވަރުން ރޭ ރާއްޖެ ގަޑިން 11:30 ހާއިރު ބުދަޕެސްޓަށް އެތެރެވެފައިވާ ކަމަށެވެ.
މިނިސްޓްރީން އިތުރަށް ބުނީ، ކުރިއަށް އޮތް ދެ ދުވަހުގެ ތެރޭގައި މި ކުދިން ރާއްޖެ ގެނެވޭނެ ކަމަށެވެ.
ޔޫކްރެއިންގެ އުތުރުގެ ހިސާބުތަކުގައި މިވަގުތު ތިބި ނުވަ ދިވެހިން، ހަންގޭރީ ބޯޑަރާ ކައިރި ހިސާބަކަށް ބަދަލުކުރުމުގެ މަސައްކަތް ކުރަމުން އަންނަ ކަމަށް ވެސް މިނިސްޓްރީން ބުންޏެވެ. އެހެންނަމަވެސް އެއީ ވަރަށް ދުރު ހިސާބަކަށް ވުމާއެކު، ހާލަތު ހުރި ގޮތުން އެ ކަމުގައި ދަތިތަކެއް ހުރިކަން ފާހަގަކޮށްފައިވެއެވެ.
މީގެ އިތުރުން ޔޫކްރެއިން ބޯޑަރު ކައިރީގައި އޮންނަ ބެލާރުސްގައި 140 ދިވެހި ދަރިވަރުން ކިޔަވަމުން އަންނަކަން ފާހަގަކޮށް، މިނިސްޓްރީން ބުނީ ގިނަ ކުދިން ކިޔަވަމުން އަންނަ ގްރޮޑްނޯ ސްޓޭޓް މެޑިކަލް ޔުނިވާސިޓީން އެ ކުދިންގެ ސަލާމަތާއި ރައްކާތެރިކަން ކަށަވަރުކޮށްދީފައިވާ ކަމަށެވެ.
މިނިސްޓްރީން އަންނަނީ ޔޫކްރެއިންގައި ތިބި ދަރިވަރުންގެ ހާލަތުގެ އިތުރުން، ބެލާރުސްއާއި ރަޝިއާގެ ކުރްސްކްގައި ތިބި ދިވެހިންގެ ހާލަތު ވެސް ވަރަށް ގާތުން ބަލަަމުންނެވެ.
ފީވަކުގައި ޒަމާނީ ފެންވަރުގެ ބޯޓްޔާޑެއް ތަރައްގީކުރަނީ
ކުޅުދުއްފުށީ ބޭރުން ކަނޑައިގެންދިޔަ ދޮށީގެ ކަނދުފަތި އަލުން ގާއިމުކޮށްފި
ކުޅުދުއްފުށީގައި ރަސްމީ ފާލަމެއް ތަރައްގީކުރަން ހަވާލުކޮށްފި
ކުޅުދުއްފުއްޓަށް މަސްތުވާތަކެތި އެތެރެކުރި މީހަކު އުމުރަށް ޖަލަށް
